Жиззах 2010 1-лабаратория машғулоти

Эркин аминокислоталар миқдорини формальдегид ёрдамида аниқлаш
( Сёрнсен усули) .
Аминокислоталар формальдегид билан реакцияга киришиб, метиллашган бирикмалар хосил қилади. Бунда аминокислотанинг амин группаси билан формальдегиднинг карбонил групппаси ўзаро таъсир этади.

Бу реакция натижасида аминогруппа ўзининг ишқорий хусусиятини йўқотади, карбоксил группа эса очиқ қолади. Шунинг учун метиллашган бирикма кислотали хусусиятга эга бўлади. Бирикмадаги карбоксил групппани ишқор билан титрлаш мумкин. Титрлаш учун сарфланган ишқор миқдори формальдегид билан боғланган амин группа миқдорига эквивалент бўлади.
Иш тартиби:
5 грамм унаётган соя ўсимтасидан олиб ҳовончада майдаланган шиша ёрдамида 5-10 мл сув билан яхшилаб эзилади. Ҳовончадаги аралашма фильтр орқали 50 мл ли колбага ўтказилади. Ҳовонча 5-10 мл сув ёрдамида 2-3 марта ювилиб фильтр орқали колбага қуйилади. Эритма фильтрдан тўлиқ ўтгандан сўнг колбага тўлгунча дистилланган сув қуйилади.
Иккита 50 мл стакан олиб, биринчисига 20 мл қайнатиб совитилган сув , иккинчисига эса 20 мл текширилаётган эритмадан қуйилади. Ҳар иккала стаканга 10 мл формал аралашмасидан қўшиб, устига ортиқча миқдорда 0,2 N NaOH эритмасидан қўшилади (тўқ- қизил, бинафша ранг хосил бўлгунча). Сўнгра ҳар иккала колбадаги ортиқча ишқор 0,2 N HCl эритмаси ёрдамида оч пушти ранг ҳосил бўлгунча титрланади. Сарфланган NaOH ва HCl эритмаларининг миқдорини ҳисобга олиб амин группа азотининг миқдори аниқланади.
Масалан, назорат учун ҳаммаси бўлиб 5 мл 0,2 NaOH қўшилади. Титрлаш учун эса 4,5 мл 0,2 N HCl сарфланади, демак буларнинг фарқи 5-4,5=0,5 мл 0,2 NaOH .
Тажриба учун эса 9 мл 0,2 NaOH қўшилади, уни титрлаш учун 1,5 мл 0,2 N HCl сарфланади. Демак,тажриба учун кетган 0,2 NaOH миқдори 9-1,5=7,5 мл 0,2 N NaOH га тенг .Тажриба билан назорат ўртасидаги фарқ 7,5-0,5=7 мл 0,2 N NaOH га тенг.
Маълумки, 1 мл нормал NaOH эритмасидаги 14 мг азот миқдорига ёки 1 мл 0,2 N NaOH эритмасига 2,8 мг азот тенг бўлади.
7,0 * 2,8 =19,60 мг
Дастлабки олинган маълумотларнинг фоиз ҳисоби қуйидагича бўлади:


Бунда:
50 мл- фильтратнинг умумий ҳажми,
20 мл- титрлаш учун олинган фильтрат миқдори ,
5 г- дастлабки олинган материал миқдори ,
Реактивлар:
5 кунли унаётган соя , 0,2 N NaOH эритмаси, 0,2 N HCl эритмаси, формал аралашмаси (500 мл 40 % ли формалинга 1 мл фенолфталеин қўшилади.Аралашмага оч пушти ранг хосил бўлгунча 0,2 N HCl қўшилади.)