Joba: Ulıwma mağlıwmatlar

5.3-súwret.Keskishtiń dúzilis sxeması

Keskishge kanal 1 arqalı kislorod, kanal 2 arqalı bolsa acetilen kiredi. Acetilen-kislorod aralaspası ushın zárúr bolğan kislorod muğdarı ventil` 3 penen, acetilen muğdarı bolsa ventil` 4 penen sazlanadı. Ventil` 7 kesiwshi kislorod muğdarın sazlaw ushın xızmet etedi. Janıwshı aralaspa payda etetuğın acetilen menen kislorod injektor 5 arqalı ótip, kamera 6 da aralasadı. Payda bolğan janıwshı aralaspa mundshtuk 8 diń 9 cifrası menen kórsetilgen tesiginen, kesiwshi kislorod bolsa 10 cifrası menen kórsetilgen tesiginen shığadı.

Metallardı qırqıwda keskishtiń mundshtugi kesiliwi kerek bolğan betten 3-6 mm aralıqta hám betine tik halatda tutıladı. Keskishti jılıstırıw tezligi metalldıń qalıńlığına baylanıslı boladı, metall qanshelli qalıń bolsa, keskish sonshelli ásten jılıstırıladı.
Kislorod penen qırqıw usılı qalıńlığı 2 metrge deyin bolğan polattı kesiwge imkan beredi. Metallar qolda, mexanizaciyalastırılğan hám avtomatlastırılğan usıllarda qırqılıwı múmkin.
Kepserlewde qollanılatuğın ásbaplar.
Kepserlew jalının alıw ushın arnawlı gorelkalar qollanıladı. 1077-79 Mámleketlik standart boyınsha gorelkalar tómendegishe klassifikaciyalanadı, yağnıy qollanılatuğın janılğı túri qarap acetilen sarpın anıqlawshı quwatı boyınsha. Quwatı boyınsha gorelkalar óz náwbetinde tómendegi tiplerge bólinedi: G1-mikroquwatlı (5-60 l/saat); G2-kem quwatlı (25-700 l/saat); G3-ortasha quwatlı (50-2500 l/saat); G4-úlken quwatlı (2500-7000 l/saat). Janılğını aralastırıw kamerasına jetkerip beriw boyınsha gorelkalar injektorlı hám injektorsız túrlerge bólinedi.
Óndiriste acetilen-kislorodlı injektorlı gorelkalar keń qollanıladı (5.4-súwret).

5.4-súwret. Gorelka sxeması

Kislorodlı shlangtan trubka 6 arqalı ventil 5 ke hám ol arqalı injektor 4 ke beriledi. Injektordan úlken tezlikte shıqqan kislorod aralastırıw kamerası 3 ke ótedi, acetilendi sorıw jağdayın keltirip shığaradı. Acetilen shlangtan trubka 7 hám ventil 8 arqalı kamera 3 ke ótedi. Ol jerde kislorod penen janıwshı aralaspanı payda etedi.

Payda bolğan aralaspa 2 nakonechnik hám 1 mundshtuk arqalı hawağa shığadı hám onı jağıp kepserlew jalının payda etedi.
Injektorlı (nakonechnik №0 den №3 shekem) GS-2 (5.5a-súwret) hám GS-3 (5.5b-súwret) túrdegi gorelkalar keń qollanıladı. GS-3 nakonechnik №1 den №7 shekem bolıp, 0,5-30 mm qalıńlıqtağı metallardı kepserlewge tuwrı keliwshi jalındı payda etiw imkanın beredi. GS-4 túrindegi gorelkalar №8 hám №9 nakonechnikler menen toltırılğan bolıp, olar járdeminde metalldı qızdırıw múmkin.
Gazde kepserlew ushın tómendegiler kerek boladı: acetilen generatorı yamasa janılğı gaz ballonı; kislorod ballonı, reduktorlar; gorelkalar (almasıwshı nakonechnikleri menen); kislorod yamasa janılğı gazin gorelkağa wzatıw ushın shlanlar; kepserlew stolı; kepserlewge zárúr bolğan qosımsha maslamalar hám ásbaplar; qorğanıw kóz áynegi; arnawlı kiyim.