К. Жанзаков Ўзбекистон республикаси

«Сақланувчи ўқитиш» – бу маълум ва такрорланувчи вазият­лар­да ҳаракат қилиш учун аниқ ўрнатилган қарашлар, усул ва қоида­ларни ўзлаштиришдир.
Таълимнинг бу тури ҳар қандай жамиятнинг фаолият кўрса­ти­ши ва барқарорлигини сақлаб туришда беқиёс аҳамиятга эга. Бунда бу­гун­ги фаолият фақат ўтган даврдаги фаолият билан таққос­лана­ди. Таҳрирлаш чоралари вужудга келаётган муваффақиятсизлик-ларни тузатишга қаратилган ҳамда ташкилотнинг янги имкония­т-лари ва устунликларидан фойдаланиш масаласи эътибордан четда қолган. «Инновацион ўқитиш» ташкилотнинг янги шароитдаги ишлашига тайёрлашга қаратилган.
Бу ҳолда ҳали мавжуд бўлмаган муҳит қандай бўлишини аниқлай олиш керак бўлади. Инновацион ўқитиш амал қиладиган ке­ла­жакдаги вазиятнинг у ёки бу даражадаги аниқ тафсилотлари ҳам мавжуд бўлмайди. Бу вазиятларни аниқ тасаввур қила олиш ҳам бу турдаги ўқитишнинг вазифаларидан бири ҳисобланади. Ин­но­ва­цион ўқитиш вужудга келадиган қуйидаги муаммоларни ҳал этишга қаратилган:

• ўзига хос бўлиб, шу сабабли олдинги хатолар ва тажриба асо­сида ўқитиш имконияти бўлмаган муаммолар;

  
  

• ечими ҳали маълум бўлмаган муаммолар;

  
  

• мазмуни баҳс ва шубҳаларга сабаб бўлувчи муаммолар.

  
  

Ташкилотда инновацион ўқитишнинг мавжуд бўлмаслиги унинг ташқи муҳитга мослаша олиши билан боғлиқ қийин­чи-лик-лар­ни келтириб чиқаради. Менежерлар одатда қувватловчи ўқитишга яхши тайёргарлик кўришган.Лидернинг вазифаси инно­ва­цион ўқитишни таъминлашдан иборат.

Инновацион ўқитишнинг қуйидаги турлари мавжуд:

1. 
   
   Тарихни янгича талқин этиш. Бу йўналиш ташкилотнинг ўзи­да тўпланган иш тажрибаси ва анъаналарини баҳолаш асосида у­лар­ни янги шароитда қўллашга қаратилган.
   
2. 
   
   Тажриба ўтказиш. Ташкилот ўзгаришлар йўналишининг аниқ­ланган илмий фаразларини бошқариладиган тажрибалар ва улар­нинг оқибатларини ўрганиш асосида текшириб кўриши мум­кин.
   
3. 
   
   Ўхшаш ташкилотларнинг тажрибасидан фойдаланиш– маъ­лум ва амалиётда кенг қўлланиладиган усул ҳисобланади. Иккинчи жа­ҳон урушидан кейинги узоқ йиллар давомида япон тадбир­кор­ла­ри жаҳон бозорида қандай рақобат курашини олиб боришни хори­жий мамлакатларнинг ўхшаш компанияларидан ўрганганлар. Минглаб япон менежерлари ва муҳандислари америка компа­ния­ла­ри­га бориб, ишлаб чиқариш жараёнининг миллионлаб фото­суръат­ла­рини олишган, кўплаб америкалик ҳамкасблари билан суҳбат­ла-шиш­ган ва уйга қайтгач, ўрганган нарсаларининг энг яхшиларини ўз ташкилотларида қўллаганлар. Ҳозирда тескари жараён юз бер-моқ­да. Энди АҚШ мутахассислари япон ишлаб чиқарувчиларининг таж­ри­басини ўрганишга ҳаракат қилишмоқда.
   
4. 
   
   Таҳлилий жараёнлар. Кўпгина ташкилотлар ташқи муҳитдаги ўзгаришлар тенденциясини мақсадли таҳлил қилиш асосида, ву­жуд­га келаётган муаммоларни аниқлаш ва унинг ечиш усулларини аниқ­лашга асосланган ўқитишни амалга оширади.
   
5. 
   
   Ўқитиш ва таълим, яъни расмий ўқитиш, бунга ҳозирда кўп­лаб корхоналар катта эътибор қаратмоқда. Америка фирмалари бу­нинг учун йилига умумий ҳолда 30 миллиард долларгача маблағ аж­ра­тишмоқда.
   

Янгиликларга қаршилик кўрсатиш ва новаторлик фаолиятини кучайтириш персонални мотивлаштиришнинг махсус тадбир­ла­ри-ни ўтказиш орқали амалга оширилади. Бунда рағбатлантиришнинг мод­дий ва маънавий усуллари қўлланилади. Раҳбарият ходим­лар­нинг янги ғояларни илгари суриши, бу ғояларни амалга ошириш учун шароит яратишга эътиборни кучайтириши керак.

Таянч иборалар
Инсон омили, ресурс, бошқариш,концепция,кадрлар, старте­гия,кадрларни танлаш, кадрларнитайинлаш, рағбатлантириш, ма­ла­­к­а­ликадрлар,ижодий қобилият.