Калийли ўғитлар технологияси

Прикарпатье (Карпат олди) конлари Львов ва Ивано-Франков вилоятлари чегараларида Карпат бўйлаб эни 20…25 м қатлам кўринишида жойлашган. Улардан энг йириклари: Стебников, Калуш, Толин, Пийло, Домбровский, Нинев, Тростянец. Улар асосан лангбейнит-каинитли ва каинитли жинслар билан жамланган. Калий тузлари қатламда (конлари) шунингдек сильвинит, кизерит, полигалит ва бошқа минераллар куринишидадир. Хлорид-сульфат туридаги калий тузларининг борлиги бу конни, хлорсиз калий ўғитларини ишлаб чиқариш учун ягона хом ашё базаси эканлигини курсатади.
Карлюк ва Гаурдак конлари Туркманистонда жойлашган. KCl миқдори 21…35%. Карлюлк конининг калий тузлари сильвинит ва карналлитдан, Гаурдак эса сильвинитдан иборатдир. Тузли қатлам қалинлиги 800…900 м га етади.
Жилян кони Актюбинск шаҳри яқинида жойлашган. Кон иккита калийли горизантга эга. Пастки горизонт 25…37 м. умумий қалинликдаги 3 та полигалит пачкаларидан ташкил топган, юқориси эса қалинлиги 10…20 м. бўлган иккита сильвинит пачкаларидан иборатдир. Полигалитда K₂O 10…11%, сильвинитда 19…21% К₂О (30…33% KCl) ташкил этади. Қатлам чуқурлиги 400 м дан 750 м гача. қатламларнинг тузилиши мураккаб ва уларнинг қалинлиги бир хил эмас; бир хил жойларда ёрилишлар, қатламнинг парчаланишлари ва бошқа бузилишлар мавжуд.
4. Калийли маъданларининг дунё бўйича учраши.

Узоқ чет давлатлар орасида калий тузларини ишлаб чиқариш ва заҳираси бўйича биринчи ўринни Канада эгаллайди. Канададаги энг йирик калий тузлари кони Саскачев бўлиб, сильвинит ва карналлит минералларидан иборат. Калий тузлари қатламининг чуқурлиги 750 дан 2500 м.гача, сильвинит қатламлари қалинлиги 1,5 дан 5,2 метргача, маъдандаги эримайдиган қолдиқ миқдори 1…8%.

АҚШдаги калий тузлари ресурслари Нью-Мехико, Калифорния ва Юта штатларида жойлашган. Карлсбад атрофидаги калий тузлари қатламлари асосий саноат аҳамиятига эга. Калий тузлари сильвинит, лангбейнит ва полигалитдан иборат.
Сильвинит қатламларини қазиб олиш 300…460 м. чуқурликда олиб борилади, қатлам қалинлиги 1,2…4,2 м. Шунингдек лангбейнит қатламлари ҳам қазиб олинади.
Калий тузлари (KCl, K₂SO₄) олиш учун хом ашё бўлиб, катта туз кўли (Огден шаҳри) нинг тузли суви хизмат қилади. Қуёш остида буғлатиш усули билан каинит ва шенит олинади ва улар K₂SO₄ га қайта ишланади. Калий хлорид – ҳавзаларидаги тузли сувни буғлатгандан кейин олинган туз аралашмаларидан флотация йўли билан ажратиб олинади.
Калий тузлари манбаи бўлиб, Калифорния штатидаги Серлс кўли ҳисобланади. Серлс кўли тузларининг қатламлари галит, глазерит (n K₂SO₄·mNa₂SO₄) ва бор минералларидан иборат. Серлс кўлининг шўр сувини комплекс қайта ишлаш йўли билан KCl ва K₂SO₄ олинади.