Yozma nutq.
Quyidagi mavzulardan birini tanlang hamda esse qoralamasini tayyorlang.
Bu topshiriq oʻquvchilarni esse
yozish jarayoniga olib kirish,
berilgan
hukmlardan birini tanlab munosabat bildira olish hamda
fikrlarini tartiblab esse
yozish shakliga keltirish jarayoni bilan tanishishlariga qaratilgan.
Bunda oʻquvchilarga esse qanday tarkibiy qismlardan iborat boʻlishi
mumkinligi hamda ularda nima aks etishini ifodalab yozishlari
kerakligi misollar
bilan tushuntirib oʻtilishi lozim.
Yozma nutq. Tahlil.
Esseni daftaringizga yozing. Qayta tahrirdan soʻng oʻqituvchingizga taqdim
eting.
Oʻquvchilar esselarni yozib boʻlgach, ularga yozgan
esselarini qayta tahrir
qilib, xato va kamchiliklarini
aniqlashlari hamda uni tuzatib, oqqa koʻchirishlari
aytiladi. Bu jarayonda quyidagilarga eʼtibor qaratishlari kerakligi aytiladi:
•
imloviy, uslubiy, ishoraviy xatolar;
•
essening tuzilishi;
•
gaplarning shakl va mazmun jihatdan bogʻlanishi;
Uyga vazifa.
Oʻqib tushunish. Yozma nutq.
Berilgan namuna asosida kasbiy bayramlar bilan bogʻliq tabriknoma yozing.
Tabriknoma yozishda qoʻllanadigan til birliklariga alohida eʼtibor qiling.
Ushbu topshiriq oʻquvchilarning oʻqib tushunish
hamda mazmun va til
birliklariga rioya qilgan holda tabriknoma yozish koʻnikmasini
shakllantirishga
qaratilgan.
Bunda oʻquvchilarga berilgan
matn bilan tanishib chiqib,
mustaqil holatda
shunday mazmundagi taklifnomani yozish topshirigʻi beriladi. Oʻqituvchi
tabriknoma matniga xos boʻlgan til birliklarini berilgan matndan ajratib koʻrsatishi
hamda ulardan foydalanish boʻyicha koʻrsatmalar berishi lozim.
