Kelajak kasblari nutqiy mavzuning maqsadi

Qoida. Yordamchi soʻzlar. 
 
Oʻquvchilar amaliy topshiriq orqali yuklama haqida maʼlumotga ega 
boʻlganlaridan soʻng yuklamaga oid nazariy maʼlumot misollar bilan tushuntirib 
beriladi.
Yordamchi soʻzlar.
 
Quyidagi gaplarda yuklama qanday maʼno bildirayotganini aniqlang. 
Yuklamalar olib tashlanganda gap mazmunida qanday oʻzgarish 
boʻlayotganiga eʼtibor qarating. 
Ushbu topshiriq yuklama va uning vazifasi bilan bogʻliq lingvistik bilimlarni 
rivojlantirishga qaratilgan. 
Bunda oʻquvchilar bilan berilgan gaplar muhokama qilinadi, unda ishtirok 
etgan yuklamalar gapga mazmun jihatdan qanday qoʻshimcha maʼno yuklayotgani, 

---

shuningdek, yuklamaning shakl jihatdan qaysi turi ishtirok etayotganligi haqidagi 
munosabatlari soʻraladi. 
Uyga vazifa.
Yordamchi soʻzlar.
 
Yuklamalardan mosini qoʻyib, gaplarni koʻchiring. Gap mazmunida qanday 
oʻzgarish boʻlganiga eʼtibor bering. 
Oʻquvchilar bilan yuklamalar haqidagi bilimlar umumlashtirib xulosa 
chiqariladi. Ularga berilgan gaplarni oʻqib, gap mazmuniga mos yuklamalarni 
qoʻyib yozishlari aytiladi.
 
2-soat 
Dars jarayoni 
 
Kirish. 
Soʻrovnoma nima? U nima maqsadda olinadi? 
Asosiy qism.
Oʻqib tushunish. Ogʻzaki nutq. 
Matnda berilgan maʼlumotlar diagramma koʻrsatkichlariga mosligini 
aniqlang. Tushunganlaringizni yoʻriqnoma asosida gapirib bering.
 
Mazkur topshiriq oʻquvchilarning matnni oʻqib tushunish undagi 
maʼlumotlarni diagrammada berilgan maʼlumotlar bilan taqqoslab, bogʻlay olish 
hamda qayta soʻzlab berish koʻnikmalarini rivojlantirishga qaratilgan. 
Oʻquvchilarga yoʻriqnoma tushuntiriladi. Soʻngra ularning nutqi navbat bilan 
tinglanadi. Bu jarayonda bir oʻquvchi gapirganda qolgan oʻquvchilar tinglab 
munosabat bildirishlari aytiladi.