Kelajak kasblari nutqiy mavzuning maqsadi

Orfoepiya. 
Berilgan rasmlardagi raqamlarning kasblar bilan mosligini aniqlang hamda 
ularni talaffuz qiling. Urgʻuli boʻgʻinni aniqlang. 
Mazkur topshiriq oʻquvchilarning atamalarni toʻgʻri talaffuz qilishi, ularni 
rasmli maʼlumot bilan bogʻlay olish koʻnikmasini shakllantirishga qaratilgan. 
Bunda oʻquvchilarga rasmlarni kuzatib, yuqorida tinglagan audiomatndagi 
qaysi kasb egalari tasvirlanganliklarini yozishlari aytiladi. Soʻngra doskada 
rasmning tartib raqami va unga mos kasb egasining nomi yozilib, oʻquvchilarga 
navbat bilan kasb nomlari talaffuz qildiriladi. Bu jarayonda ularning nutqi kuzatilishi 
hamda xatolari tuzatilib, ifodali talaffuz qilib berilishi lozim. Oʻquvchilarning 
eʼtibori urgʻuning qaysi boʻgʻinga tushayotganligiga qaratiladi. 

---

Javob: 
1 – injenering sohasi mutaxassislari. 
2 – IT mutaxassislari. 
3 – shifokorlar. 
4 – turizm sohasi mutaxassislari. 
5 – logist-naqliyotchilar. 
6 – ekologlar. 
7 – kimyogarlar. 
8 – jurnalist va imijmeykerlar. 
9 – nanotexnologlar. 
Yordamchi soʻzlar. 
Matnni oʻqing. Gaplarga qoʻshimcha maʼno yuklaydigan soʻz va 
qoʻshimchalardan mosini qoʻyib, yozing. 
 
Bu topshiriq oʻquvchilarning notoʻliq matnni toʻliq matnga aylantirib yozish, 
gaplarni oʻzaro bogʻlash hamda qoʻshimcha maʼno yuklashga xizmat qiladigan 
yuklamalar 
va ularning vazifasi bilan bogʻliq lingvistik bilimlarini 
mustahkamlashga qaratilgan.
Oʻquvchilarga berilgan parchani oʻqib tushirib qoldirilgan yuklamalarni oʻz 
oʻrniga qoʻyishlari aytiladi.
Javob:
Bu kasb egalariga hamma zamonlarda ehtiyoj katta boʻlgan. Axir eng qulay, 
shohona sharoitlarda, toʻkin-sochinlikda umr kechiradigan odam ham kasal 
boʻlishi mumkin. 
Zamonaviy tibbiyot shifokorlar oldiga yangi texnologiyalardan unumli 
foydalana olish shartini ham qoʻyyapti. Yangi texnologiyalar tashxis va muolaja 
jarayonini yengillashtiribgina qolmay, aniqlik darajasini ham kuchaytiradi. 
Bunday koʻnikmaga ega shifokorga esa talab yuqori boʻlishi tabiiy -da.