Kelajak kasblari nutqiy mavzuning maqsadi

Morfologiya. Sintaksis. 
Quyida berilgan feʼllar ishtirokida tanlagan kasbingiz haqida gaplar tuzib, 
yozing. Feʼllarning tuzilishi va imlosiga eʼtibor bering. 
 
Mazkur topshiriq oʻquvchilarning feʼllarni tuzilishiga koʻra guruhlarga 
ajratish hamda ularni maʼno-mazmuniga mos kontekstda qoʻllay olish koʻnikmasini 
shakllantirishga qaratilgan.
Berilgan jadval oʻquvchilar bilan birga tahlil qilinadi. Soʻngra oʻquvchilarga 
ularni maʼno-mazmuniga mos kontekstda qoʻllab gap tuzishlari aytiladi. 
Uyga vazifa.
Morfologiya. 
Berilgan matnlar bilan tanishing. Ularda qoʻllangan feʼllarni quyidagi tartibda 
guruhlarga ajratib yozing. Koʻmakchi feʼlli soʻz shakllaridagi maʼnoga 
diqqatingizni qarating. 
Mazkur topshiriq oʻquvchilarning matnni lingvistik tahlil qilish koʻnikmasini 
shakllantirish hamda qoʻshma feʼl va koʻmakchi feʼlli soʻz qoʻshilmasi oʻrtasidagi 
farq bilan bogʻliq lingvistik bilimlarni mustahkamlashga qaratilgan.
Feʼllar tuzilishiga koʻra turlari hamda qoʻshma feʼl va koʻmakchi feʼlli soʻz 
qoʻshilmalari oʻrtasidagi farq haqida maʼlumot beriladi. Shundan soʻng matnda 
ishtirok etgan feʼllarni guruhlarga ajratish kerakligi aytiladi.
3-soat 
Dars jarayoni 
 
Kirish. 
 
Kelajakda qaysi kasb egasi boʻlmoqchisiz? Nima uchun? 
Asosiy qism. 

---

Oʻqib tushunish.

Matnni oʻqing va savollarga javob bering. 
Matn: “Kelajakda ishsiz qolmang!” 
Oʻquvchilarga matnni oʻqib chiqishlari aytiladi. Soʻngra matn ostidagi 
savollar bilan suhbat boshlanadi. 
Muhokama. 
1. Matn muallifi ushbu fikrlari orqali kimlarga murojaat qilmoqda? 
Bu savol matndan muallif maqsadini tushunishga qaratilgan. Oʻquvchilar 
matnda qoʻllangan til birliklari (oʻylab koʻring, hisobga oling, ishsiz qolib ketmang) 
orqali matn bilan tanishib chiqadigan har bir oʻquvchiga qaratilganligini anglashlari 
mumkin.