Кимё фанидан абитуриентлар

МЕТАЛЛАРНИНГ ФАОЛЛИК қаТОРИ.
598. Металларнинг фаоллик қатори қандай тузилган? Металларнинг фаоллик қатори қуйидаги кўринишга эга:
Li, K, Ca, Na, Ba, Mg, Al, Zn, Cr, Mn, Fe, Pb,(H₂), Cu, Ag, Hg, Au, Pt. қатор электрокимёвий кучланишлар қатори деб ҳам юритилади. қатор рус олими Н.Н. Бекетов томонидан 1863 йили тузилган.
599. Металларнинг водородга муносабати қандай? Фаоллик қаторида водороддан аввал (чапда) жойлашган металлар суюлтирилган кислоталардан (нитрат кислотадан ташқари) водородни сиқиб чиқара олади:
Mg+H₂SO₄=MgSO₄+H₂. Кейин (ўнгда) турган металлар водородни сиқиб чиқара олмайди:
Cu+H₂SO₄= реакция кетмайди. Изоҳ: Нитрат кислотадан водород ажралмайди.
600. Металларнинг бир-бирига муносабати қандай?Фаоллик қаторидаги ҳар бир металл ўзидан кейин турган барчасини
тузлари эритмасидан сиқиб чиқаради, ўзидан кейингиларни сиқиб чиқара олмайди.
a)Mg+FeSO₄=MgSO₄+Fe б)Cu+FeSO₄= реакция кетмайди
601. Металлар сув билан қандай таъсирлашади? Сув билан таъсирлашувига кўра металлар учга бўлинади:
а)(Li-Ba)+H₂O(оддий шароитда)=Me(OH)_х+H₂ б)(Mg-Pb)+H₂O(қиздирилганда)=Me_xO_y+H₂.
в)(Cu-Pt)+H₂O = реакция содир бўлмайди.
602. Нитратларнинг парчаланиши қандай содир бўлади? Металл нитратлар қиздирилганда парчаланиши уч хил содир бўлади:а)(Li-Ba)(NO₃)_X=(Li-Ba)(NO₂)_X+O₂. б)(Mg-Pb)(NO₃)_X=(Mg-Pb)_УO_X+NO₂+O₂ в)(Cu-Pt)(NO₃)_X=эркин (Cu-Pt)+NO₂+O₂.
603. Металлар конц. H₂SO₄ билан қандай таъсирлашади? Металлар конц. H₂SO₄ билан таъсирлашувига кўра қуйидагича гуруҳланади: а)Fe,Cr,Al,Au таъсирлашмайди; б)фаол металлар(Li-Mg)H₂SO₄ ни H₂S гача қайтаради:
8K+5H₂SO₄=4K₂SO₄+H₂S+4H₂O в)кам фаол металлар(Mn-Hg) SO₂ гача қайтаради: Cu+2H₂SO₄=CuSO₄+SO₂+2H₂O
г)Zn H₂S, S, SO₂ гача қайтариши мумкин: 8Zn+11H₂SO₄=8ZnSO₄+H₂S+S+SO₂+10H₂O
604. Металлар конц. HNO₃ билан қандай таъсирлашади? Металлар конц. HNO₃ билан таъсирлашувига кўра қуйидагича гуруҳланади: а)Fe,Cr,Al,Au таъсирлашмайди; б)фаол металлар(Li-Zn) HNO₃ ни N₂Oгача қайтаради:
4Ca+10HNO₃=4Ca(NO₃)₂+N₂O+5H₂O в)кам фаол металлар(Mn-Hg) NO₂ гача қайтаради: Pb+4HNO₃=Pb(NO₃)₂+2NO₂+2H₂O
605. Металлар суюл. HNO₃ билан қандай таъсирлашади? Металлар суюл. HNO₃ билан таъсирлашувига кўра қуйидагича гуруҳланади: а) фаол металлар(Li-Cr) HNO₃ ни NН₃ гача қайтаради: 4Ca+9HNO₃=4Ca(NO₃)₂+NH₃+3H₂O
в)кам фаол металлар(Mn-Hg) NO гача қайтаради: 3Pb+8HNO₃=4Pb(NO₃)₂+2NO+4H₂O
606. Металлар табиатда қандай кўринишларда учрайди? Металлар табиатда қуйидаги кўринишларда учрайди:
а)(Li-Ba): нитрат, карбонат, сульфат, хлоридлар. б)(Mg-Pb): оксид, сульфид, карбонатлар.
в)(Cu-Pt): эркин ҳолатда, шунингдек, оксид, сульфид.
607. Металл-ионларнинг электролизга муносабати қанақа? Металл-ионларнинг фаоллиги қатор охиридан бошига қараб камаяди Яъни, электролиз пайтида охирида турган металл биринчи ажралади.
608. Металл пластинкалар турли эритмаларга ботирилганда нима содир бўлади? Металл пластинкалар турли эритмаларга ботирилганда эритмада ўрин олиш реакцияси бориши туфайли плас тинка массаси ўзгаради. Бунда агар пластинка ясалган металлнинг нисбий атом массаси эритмада ажраладиган элементникидан катта бўлса, пластинка массаси камаяди, агар кичик бўлса, ортади. Масалан, агар рухдан ясалган пластинкани сульфат кислота ёки темир тузлари эрит масига ботирилса, рух пластинка массаси камаяди. Агар темир пластинка мис тузлари эритмасига ботирилса, темир пластинка массаси ортади.