Кимевий технологиянинг жараёнлари ва қурилмалари фанидан ўқув қўлланма

Газодувка (рус.) - ҳаво ёки бошқа газларни сиқиш ва ҳайдаш учун ўртача 
босим (0,01 да 0,3 МПа гача) ҳосил қиладиган қурилма. 
Гидравлика (юнон) - суюқликларнинг ҳаракати ва мувозанат қонунларини 
ҳамда бу қонунларни мухандислик масалаларини ҳал қилишда татбиқ этиш 
усулларини ўрганувчи фан. 
Гидродинамика (юнон.) - гидромеханиканинг сиқилмайдиган суюқликлар 
ҳаракатини ва уларнинг қаттиқ жисмлар билан ўзаро таъсирини ўрганадиган 
бўлими. 
Гидромеханика (юнон) - суюқликнинг мувозанати ва ҳаракатини, 
шунингдек, суюқликнинг унга ботирилган ёки унда ҳаракатланаётган жисм билан 
ўзаро таъсирини ўрганади. 
Гидростатика (юнон.) - гидромеханиканинг қўйилган кучлар таъсирида 
суюқликларнинг мувозанат шароитларини, шунингдек сокин суюқликларнинг 
уларга ботирилган жисмларга ва идиш деворларига таъсирини ўрганадиган 
бўлими. 
Градирня (нем.) - сувни атмосфера ҳавоси билан совитиш қурилмаси. 
Гранулалаш (лат.) - моддага майда бўлаклар (гранулалар) шаклини бериш 
жараёни. 
Десорбция (лат) - ютилган моддаларнинг адсорбент, ионит сиртидан ёки 
абсорбент ҳажмидан чиқариб ташлаш, сорбцияга тескари жараён. 
Дистилляция (лат) - кўп компонентли суюқ аралашмаларни қисман 
буғлатиш ва ҳосил бўлган буғни конденсациялаш йўли билан уларни таркибан 
фарқ қилувчи фракцияларга ажратиш. 
Диффузия (лат) - муҳит зарраларининг ҳаракати; модданинг кўчишига ва 
муҳитда муайян хилдаги зарралар концентрацияларининг тенглашиши ёки улар 
концентрацияларининг тенг тақсимланишига сабаб бўлади. Муҳитда макроскопик 
ҳаракат (масалан, конвекция) бўлмаганда молекулалар (атомлар) диффузияси 
уларнинг иссиқлик ҳаракатига боғлиқ бўлади; бундай диффузия молекуляр 
диффузия деб юритилади. Муҳитда ҳарорат, электр майдонлари ва шу кабилар 
доимо ўзгариб турганда диффузия концентрацияларнинг тегишли градиент бўйича 
мувозанатли тақсимланишига олиб келади (термодиффузия, электродиффузия ва 
бошқалар).