Кириш диссертация мавзусининг долзарблиги ва зарурати

Тадқиқотнинг мақсади Ғўзапояларни сим арқон ёрдамида қирқиш стендининг схемасини ишлаб чиқиш ва лаборатория стендини ясаш.
Тадқиқотнинг вазифалари:
Ғўзапояни майдалаш стендининг лаборатория схемаси ва айрим параметрларини асослаш;
Ғўзапояни майдалаш стендининг лаборатория қўрилмаси ва параметрлари бўйича тажрибавий тадқиқотлар олиб бориш
Ғўзапояни майдалаш қурилмасининг лаборатория стенди иқтисодий самарадорлигини аниқлаш;
Тадқиқотнинг объекти сифатида ғўзапоя, ғўзапоянинг физик-механик хоссалари, симли арқон, лаборатория стенди,ғўзапояни майдалаш технологик жараёни.
Тадқиқотнинг предмети ғўзапояларни ётқизиб, уни эзиб-бўлаклайдиган тишли ғалтакнинг иш жараёнларини ифодалайдиган математик моделлар ва унинг параметрларини аниқлаш имконини берадиган аналитик боғланишлар, ишчи қисмнинг агротехник ва энергетик иш кўрсаткичларини унинг параметрларига боғлиқ равишда ўзгариш қонуниятларидан иборат.
Тадқиқотнинг усуллари. Тадқиқот жараёнида назарий механика, математик статистиканинг қонун ва қоидалари,экспериментларни математик режалаштириш ҳамда мавжуд меъёрий ҳужжатларда (Tst 63.03.2001, Rh 63.03-98, ГОСТ 28218-2016) белгиланган усуллардан фойдаланилган.
Тадқиқотнинг илмий янгилиги қуйидагилардан иборат:
пуштадаги ғўзапояларни ковлаб олмасдан, уларни жойида агрегат ҳаракати бўйича бир йўла ётқизиб эзиб-бўлаклайдиган ишчи қисмнинг технологик иш жараёни асосланган ва конструкцияси ишлаб чиқилган;
ишлаб чиқилган тишли ғалтак параметрларининг ўзгариш чегаралари уларнинг ғўзапоя билан таъсирлашиш жараёнларини ифодалайдиган математик моделлар ва аналитик ифодалар асосида аниқланган;
ғалтак тиши параметрларининг рационал қийматлари ғўзапояни эзиб-бўлаклашни ҳисобга олган ҳолда аниқланган;
тишли ғалтак ва тишининг мақбул параметрлари тишларга тушадиган тик юкланишнинг мақбул қийматлари унинг иш сифатини белгилайдиган регрессия тенгламаларини ечиш орқали аниқланган.
Тадқиқотнинг амалий натижалари қуйидагилардан иборат:
пуштадаги ғўзапояларни ковлаб олмасдан жойида агрегат ҳакаракати бўйича бир йўла ётқизиб эзиб-бўлаклайдиган тишли ғалтак ишлаб чиқилган;
тишли ғалтак ўрнатилган агрегат фермер хўжаликларида қўлланилганда эзиб-бўлакланган ғўзапоялардан органик ўғит сифатида фойдаланиш имкони яратилади ва энегия ва ресурслар сарфининг камайишига эришилган.