Кириш магистрлик диссертацияси мавзусининг асосланиши ва унинг долзарблиги

САККИЗИНЧИ ТУРНИР
Ал Ҳаким ат-Термизий хотирасига бағишланган кураш бўйи­ча Ўзбекистон Республикаси Президенти соврини учун анъанавий VIII Халқаро турнир ва қизлар ўртасида Жаҳон чемпионати 2007 йил 13-14 апрель Термиз шаҳрида бўлиб ўтди. Ушбу турнирда ҳам таниқли ўзбек полвони Абдулла Тангриев тур­нирнинг мутлоқ ғолиби бўлди.


ТЎҚҚИЗИНЧИ ТУРНИР
Ал-Ҳаким ат-Термизий хотирасига бағишланган кураш бўйича Ўзбекистон Республикаси Президенти совруни учун анъанавий IX халқаро турнир Термиз шаҳрида 2009 йил 11-12 апрель кун­лари бўлиб ўтди. Ушбу халқаро турнирда 24 та хорижий давлат ҳамда Республикамизнинг барча вилоятларидан жами 151 на­фар полвон иштирок этди, шундан 61 нафари хорижлик полвонларни ташкил этди. Ўзбек миллий кураши анъаналарини жаҳонга кенг танитишда муносиб ҳисса қўшиб келаётган Абдулла Тангриев турнирнинг мутлоқ ғолиби бўлиб, эл ҳурматига сазовар бўлди.


ЎНИНЧИ ТУРНИР
Катталар ўртасида VIII Жаҳон чемпионати ҳамда Ал-Ҳаким ат-Термизий хотирасига бағишланган Ўзбекистон Республикаси Президенти соврини учун кураш бўйича анъанавий X халқаро турнир Термиз шаҳрида 2011 йил 21-23 октябрь кунлари бўлиб ўтди. Мутлоқ ғолиблик учун курашган Абдулла Тангриев япониялик полвон Южи Ониши билан курашга тушди. Қизғин кечган баҳсда Абдулла устун келди ва олтинчи марта Ал-Ҳаким ат-Термизий хотирасига бағишланган халқаро турнирнинг мут­лоқ ғолиби деб топилди. Мамлакатимизнинг яна бир полвони Бахтиёр Мелиқулов ва эронлик Хожан Раҳномажон бронза медаллари билан тақдирланди.
Ал-Ҳаким ат-Термизий хотирасига бағишланган Ўзбекистон Республикаси Президенти соврини учун кураш бўйича анъана­вий X халкаро турнирнинг мутлоқ ғолиблари: 1-ўрин Тангриев Абдулла (Ўзбекистон), 2-ўрин Ониши Южи (Япония), 3-ўрин Хожат Раҳнамо (Эрон), 3-ўрин Менгликулов Бахтиёр (Ўзбекистон).