Kirish Texnologik sxemani tanlash va asoslash

ISHLAB CHIQARISH JARAYONLARINI NAZORATI.

8.1-jadval

№	Nzorat qilish ob’ekti	Nima aniqlanadi	Nazorat qilish joyi	Nazorat qilish davriyligi	Aniqlashni kim o’tkazadi
1	Ishlab chiqarishga berilgan moyli urug’	Namligi iflosligi Moy miqdori (ekstraksiya yoki refraktometrik usul bilan)	Avtomatik namuna olgich bilan yoki oqimni to’sib qo’l bilan olinadi.	Sutkada yig’ilgan o’rtacha namunadan sutkada 1marta O’rtacha namunadan sutkada 1marta	Laboratiya
2	Urug’ tozalangandan keyin	Iflosligi	Maydalashga uzatadigan uskunadan	Smenada bir marta
3	Yanchilma	Yanchilish sifati	Valьsovkalardan yig’uvchi shnekdan yoki aloxida xar bir valьsovkadan	Kerak bo’lganda
4	Yanchilma namlovchi shnekga berilishidan oldin	Yanchilma namligi	Oqimni qo’l bilan to’sib	Zaruriyat bo’lganda
5	Namlovchi shnekdan keyin olingan yanchilma	Yanchilma namligi
6	Qozonning oxirgi chanidan pressga beriladigan qovurma	Qovurma xarakati		Sistemali ravishda (doimiy muntazam)
7	Forpressdan chiqayotgan kunjara	Kunjara moyligi qalinligi	Oqimni qo’l bilan to’sib olinadi	Sistemali ravishda (muntazam)	Laboratoriya
8	Pressdan chiqgan yog’ tozalangandan so’ng	Yog’ning tiniqligi moyning namligi va cho’kma miqdori. Foserolipidlar va sovunlanmaydigan lipidlar miqdori yog’ning gost bo’yicha sifat ko’rsatkichlari	Qovurdagi namuna olgichdagi	Zaruriyat bo’lganda sutkada 1 marta, 10 kunda 1marta, 10 kunda 1 marta	Laboratoriya

13. Korxonalarni modernizasiya qilish, texnik va texnologik qayta jixozlash va yuksak texnologiyalarga asoslangan yangi ishlab chiqarishni rivojlantirish borasida yuritilgan faol investisiya siyosati.
Iqtisodiyotimizga kiritilayotgan investisiyalarning yildan-yilga o’sib
borishida yurtimizdagi mavjud investision sharoit va qulay investisiya muhiti alohida ahamiyat kasb etayotganini ta’kidlash joiz. Bunda ayniqsa quyidagi asosiy omillarni ham qayd etish o’rinlidir:
O’zbekiston o’z mustaqilligining dastlabki yillarida bozor iqtisodiyotiga o’tishning dunyoda o’zbek modeli sifatida tan olingan o’ziga xos yo’lini tanlab, uni izchil amalga oshirishi natijasida MDH (Mustaqil Davlatlar Hamdo’stligi) hududidagi ko’pgina davlatlardan farqli ravishda ishlab chiqarish va aholi turmush darajasining keskin pasayib, davlatning ichki va tashqi qarzlari haddan ziyod oshib ketishiga yo’l qo’yilmaslikka erishdi. O’zbekiston iqtisodiyoti 1997-2003 yillar davomida yiliga 3,8-5,2 foiz o’sish sur’atlari bilan rivojlandi. Qulay ishchan muhit yaratish, ishlab chiqarishni modernizasiya qilish, texnik va texnologik yangilashga qaratilgan iqtisodiy islohotlarni chuqurlashtirish jarayonlarining natijasi sifatida mamlakatimiz iqtisodiyoti 2004 yildan e’tiboran yiliga 7-9 foiz darajasidagi yuqori va barqaror o’sish sur’atlarini namoyish qila boshladi. Ayni paytda jahonni larzaga solgan, ko’plab mamlakatlar iqtisodiyotiga katta talofatlar etkazib, izdan chiqargan global moliyaviy-iqtisodiy inqiroz jarayonlarining murakkab va og’ir sinovlaridan o’tayotgan mamlakatimizning o’ziga xos taraqqiyot yo’li islohotlarni davom ettirish va chuqurlashtirish orqali yanada samarali va mustahkam bo’lib bormoqda. Mamlakatimizda transport infratuzilmasining muhim tarkibiy qismi bo’lmish temir yo’llar, avtomobilь yo’llar hamda havo yo’llari yaxshi rivojlangan. Temir yo’llarimizning uzunligi 6,5 ming kilometr, avtomobilь yo’llarimizning uzunligi 43,5 ming kilometrga teng. Milliy aviakompaniyamiz tomonidan muntazam ravishda dunyoning 40 dan oshiq shaharlariga to’g’ridan-to’g’ri reyslar amalga oshiriladi, shuningdek, jahonning 24 ta davlatida uning 43 dan oshiq vakolatxonasi bor. Respublikamizda yiliga 48 milliard kilovat saot elektr energiyasi va 10 million kilokalloriya issiqlik energiyasi ishlab chiqariladi. Bu nafaqat ichki ehtiyojimizni to’la ta’minlash, balki xorijga eksport qilishimiz uchun ham imkon yaratadi. O’zbekiston iqtisodiyotiga kiritilayotgan xorijiy investisiyalar uchun investorlarga qator imtiyoz va preferensiyalar yaratilgan va ularning kafolati qonun bilan mutahkamlab qo’yilgan. Xususan, ular mulk solig’idan, tadbirkorlik faoliyatidan olinayotgan daromad solig’idan hamda bir qator bojxona bojlarini to’lashdan ozod etilgan.
Mamlakatni modernizasiya qilish va iqtisodiyotni diversifikasiya etish, iqtisodiyot tarmoqlarining raqobatdoshligini oshirish hamda mahalliy ishlab chiqarish korxonalarining eksportdagi hajmini kengaytirishga qaratilgan investisiya faoliyatini tartibga soluvchi 50 dan ortiq huquqiy-hujjat qabul qilindi, jumladan,“Konsessiyalar to’g’risida”gi, “Erkin iqtisodiy zonalar to’g’risida”gi, “Chet el investisiyalari to’g’risida”gi, “Chet ellik investorlar huquqlarining kafolatlari va ularni himoya qilish choralari to’g’risida”gi 30.04.1998 yildagi Qonuni; “Investisiya faoliyati to’g’risida”gi, “Tashqi iqtisodiy faoliyat to’g’risida”gi Qonunlar ayni shu maqsadga xizmat qilmoqda.
Ma’lumki, jamiyat taraqqiyotida aholining muhtoj qatlamlarini sosial
muhofaza qilish nafaqat ijtimoiy, ayni vaqtda siyosiy ahamiyatga egadir.
Hukumatimiz tomonidan qulay investisiya siyosatini olib borish
maqsadida quyidagi tamoyillarga ustuvor ahamiyat qaratilmoqda: tashqi iqtisodiy faoliyatni yanada erkinlashtirish; respublika iqtisodiyotiga to’g’ridan-to’g’ri kapital qo’yilmalarning keng jalb qilinishini ta’minlovchi huquqiy, ijtimoiyiqtisodiy va boshqa sharoitlarni yanada takomillashtirish; yurtimizga jahon darajasidagi texnologiyalarni olib kiruvchi, milliy xo’jalikning zamonaviy tuzilmasini tashkil etishga ko’maklashuvchi chet el investorlariga nisbatan qulay sharoitlar yaratish siyosatini izchil olib borish; eng muhim ustuvor yo’nalishlarga mablag’larni yo’naltirish1. Bundan ko’rinadiki, korxonalarni texnik va texnologik jihatdan qayta jihozlash, zamon talablariga mos bo’lgan tovar va xizmatlarni ishlab chiqarish va ayniqsa, jahon moliyaviy-iqtisodiy inqirozining keyingi to’lqinlari zarbasiga ijtimoiy-iqtisodiy talofatlarsiz bardosh berish, ularning salbiy oqibatlarini bartaraf etish bilan bog’liq masalalarni hal etishda kompleks yondashuvlarga urg’u berilmoqda. Yurtboshimiz ta’kidlaganidek, “... jahon zaxira valyutalarining beqarorligi, moliya-bank tizimi kredit qobiliyatining keskin pasayishi va investisiyaviy faollikning susayishi bilan bog’liq murakkab muammolar ko’plab davlatlar iqtisodiyotning tiklanish va o’sish sur’atlariga ta’sir ko’rsatmoqda”.
Mamlakatda zamonaviy oziq-ovqat sanoatini rivojlantirish agrar soha mahsulotlari (sut, go’sht, poliz mahsulotlari, meva va boshqalar) ishlab chiqarishni yo’lga qo’yishni, shunga mos ravishda tegishli hajmdagi o’rash va qadoqlash uskunalari, zamonaviy chakana savdo tizimi mavjudligini talab etadi;
Ushbu maqsadlar uchun 2011-2015 yillar davomida oxirgi besh yil
mobaynida o’zlashtirilgan investisiyalarga qaraganda 2 barobar ko’p, jami 77,4 milliard dollar miqdoridagi investisiyalarni yo’naltirish mo’ljallanmoqda. Asosiy kapitalga kiritilayotgan investisiyalarning yalpi ichki mahsulotga nisbatan ulushi 24 foizdan kam bo’lmasligi tarkibiy o’zgartirishlarni jadal amalga oshirish va iqtisodiyotni modernizasiya qilishni ta’minlaydi.
Investisiya loyihalarini moliyalashtirishning asosiy hajmi ichki resurslarni safarbar qilish hisobidan amalga oshiriladi. Kelgusi yillarda bu ko’rsatkich yalpi kapital qo’yilmalar hajmining 76 foizini tashkil etadi.
Bu mablag’lar, avvalo, ishlab chiqarishni modernizasiya qilish, texnik va texnologik yangilashni amalga oshirayotgan korxonalarning o’z mablag’larini ko’paytirishi, soliq yukini yanada kamaytirish, tijorat banklarining resurs bazasini mustahkamlash va aholining tadbirkorlik faoliyatidan oladigan daromadlarini oshirish hisobidan hosil bo’ladi.
Strategik muhim, birinchi navbatda, infratuzilmani shakllantirish, ishlab
chiqarishni rekonstruksiya qilish va modernizasiya etishga qaratilgan loyihalarni amalga oshirishga ichki resurslarni jalb etishda O’zbekiston Respublikasi Tiklanish va taraqqiyot jamg’armasi alohida o’rin egallaydi. Mazkur jamg’armaning tarkibiy o’zgarishlardagi tobora ortib borayotgan rolini inobatga olgan holda, yaqin yillarda uning hisobida 10 milliard dollardan ziyod mablag’ jamlanadi.
Kelgusi yillardagi ustuvor yo’nilishlardan biri mamlakatimizda, eng
avvalo, jalb qilinayotgan to’g’ridan-to’g’ri xorijiy investisiyalar hajmini oshirish, chet el investorlari uchun kafolatlar yaratish hamda ularning ishonchini mustahkamlash maqsadida yanada qulay investisiya muhitini shakllantirishdan iborat.