Китоблар тўпланмаси

17. Ҳамма ишни фақат ўзи ўйлаганича
бўлишини хоҳлаш 
Баъзи биродарлар бир ишни қилмоқчи бўлсалар аввал уни хаѐлда 
бир тасаввур қилиб кўрадилар-да, кейин уни ўзлари қандай 
тасаввур қилган бўлсалар, шундай амалга ошираман, деб 
ўйлайдилар. Ваҳоланки, бу ишни айнан булар ўйлаган тарзда 
рўѐбга чиқариш имкони бўлмайди ѐки уларнинг шароитида буни 
татбиқ этиб бўлмайди. 
Хаѐлда тузган режалари амалга ошмай қолгач эса, уларнинг 
наздида бу фикрлар етишиб бўлмайдиган узоқ орзу-хаѐлга айланиб 
қолади. Шундан кейин уларга бирон хайрли иш таклиф қилинса, 
аввалдаги ишларни баҳона қилиб тураверишади. 

---

* Абдуллоҳ ибн Масъуд розияллоҳу анҳу айтадилар: 
– Аллоҳ таоло қайси бир бандага яхшиликни ирода этса, уни 
Ўзи ўнглаб қўяди. Оқибатда, у Аллоҳдан фақат ўзига 
асқотадиган нарсаларнигина сўраб, ўзи учун фойдали илмларга 
қизиқади. «Ал-иноба», 1-жузъ, 419-бет.
* Зайд ибн Али ўғлига насиҳат қилиб деди: 
– Эй ўғлим, сенга тааллуқли бўлмаган ишларга қизиқавермай, 
ўзингга керак амаллар талабида бўл. Чунки беҳуда нарсаларни 
тарк этсангина, ўзинг учун фойдали амалларга етишасан. 
Билгинки, сен эртага (Қиѐмат куни) бугун қилиб улгурган 
ишларингнинг олдига борасан, пайсалга солиб қолдирган 
ишларингнинг олдига бормайсан. Ҳеч қачон кўрмайдиган 
нарсаларни қўйиб, ўрнига эртага сен албатта кўрадиган 
нарсаларга эътибор бер! «Ал-иноба», 1-жузъ, 419-бет. 
18. Амалларнинг самарасини тезроқ қўлга 
киритишга ошиқиш ва мақсадга етказадиган 
йўлнинг олислигидан бетоқатланиш 
 
 Бундай киши ўзининг аслида Аллоҳ йўлига вақф қилинганини, 
У зот уни қайси ўринга ташламасин, бунга заррача аҳамият 
бермасдан ўз вазифасини бажаравериши лозимлигини унутган 
одамдир. Бу киши ҳаѐтдаги тинимсиз саъй–ҳаракатлари учун 
мукофот ѐки олқиш кутиб ўтириши ноўрин эканини ҳали англай 
олмаган бўлади.