Kommunikatsiyalarini rivojlantirish vazirligi toshkent axborot texnologiyalari universiteti "boshqaruv hisobi"

Мувофиқлаштириш. Корхонанинг ҳар бир жавобгарлик маркази бошқа 
жавобгарлик марказлари иш жараёнига таъсир этади ва уларнинг фаолиятига 
боғлиқ бўлади.
Бюджетларни 
тайёрлашда 
алоҳида 
фаолият 
турлари 
ўзаро 
мувофиқлаштирилади, бунда барча бўлинмалар келишув асосида, корхона 
умумий мақсадидан келиб чиқиб фаолият кўрсатади. Бу ҳолатда ишлаб 
чиқариш режасини маркетинг бўлими режаси билан мувофиқлаштириш, 
жумладан, ишлаб чиқариладиган маҳсулотлар миқдорини режалаштирилган 
сотиш ҳажми ва тайёр маҳсулотлар қолдиғи билан таққослаш асосий 
талаблардан ҳисобланади 

---

Ишлаб чиқилган режалар барча қатнашчилар уларнинг шартлари билан 
тўлиқ танишиб олмагунча амалга оширилмаслиги лозим.
Режалар қуйидаги бўлимлардан иборат бўлади: 
 
қанча маҳсулот (товар, иш ва хизматлар) ишлаб чиқарилади; 
 
ишлаб чиқаришда қатнашадиган ходимлар, фойдаланиладиган усуллар 
ва асбоб-ускуналар тўғрисида маълумотлар; 
 
қанча хомашё ва материаллар сотиб олинади; 
 
сотиш баҳоси қандай белгиланади, келгусида қандай чекловларга риоя 
қилинади ва ҳ.к. 
Ушбу маълумотлар реклама, техник хизмат кўрсатиш, маъмурий ва меҳнатга 
ҳақ тўлаш харажатларини режалаштириш ҳамда маҳсулот сифатини самарали 
бошқаришга имкон беради. 
Рағбатлантириш. Бюджетларни тузиш жараёни жавобгарлик марказлари 
раҳбарлари мақсадини амалга оширишда муҳим рағбатлантириш воситаси 
бўлиши мумкин. 
Назорат. Пухта тайёрланган бюджетлар ҳақиқий эришилган кўрсаткичларни 
таҳлил қилишда муҳим манба ҳисобланади, шунингдек, улар бюджетларни 
тузиш жараёнида кутилган барча ўзгаришлар натижаларини баҳолашни ўз 
ичига олади. 
Баҳолаш. Ҳар ойда бюджетлардаги четланишларни аниқлаш бутун ҳисобот 
даври учун назорат мақсадларига хизмат қилади. Ҳисобот даври ҳақиқий 
натижалари билан бюджет маълумотларини таққослаш йил охирида 
жавобгарлик марказлари ва улар раҳбарлари фаолиятига таъсир этувчи асосий 
омилларни баҳолаш имконини беради.