Konchilik korxonalarining ishi qazish, ochish va ochiq konlar uchun qazishning katta hajmi bilan, shuningdek, kon massasini qayta ishlash va tashish bilan tavsiflanadi

Konni ochish tizimi

Kon maydoni ichki joylashgan umumiy transheya bilan ochilgan. Trassa formasi spiralsimon- sirtmoqsimon.Transheyani o’tish joyi joy relьefi, keraksiz tog’ jinslari ag’darmasi va rudani qayta yuklash punktlari joylashishidan kelib chiqib belgilanadi.

Transheya tog’ jinslarinikar’er tepasiga olib chiqish uchun mo’ljallangan.
Transheyaning saqlovchi bermalarga tutashgan joylarini belgilash uchun har 30 m balandlikdan keyin uzunligi 25 m bo’lgan, har 60m balandlikdan keyin esa uzunligi 50 m bo’lgan gorizontal maydonchalar qurilgan.
Transheyaning sirtmoqsimon qayrilib olish joylari 30 m radiusli gorizontal maydonchalarda qurilgan. Transheyaning eni qo’llaniladigan avtotransport turi va ularning harakati intensivligidan kelib chiqib 25 m qabul qilingan. Transheya qiyaligi -0,08. Kar’erning yuqori qismini qazib olishda keraksiz tog’ jinslari vaqtinchalik qurilgan s’ezdlardan sharqiy ag’darmalarga olib ketiladi.

Qazib olish tizimi.

Konni qazib olishda qoplama tog’ jinslarini tashqi ag’darmalarga olib ketiladigan transportli qazib olish tizimi qabul qilingan.
Texnologik transport sifatida avtomobil transporti qo’llanilgan bo’lib, u konni minimal qoplama tog’ jinslari koeffitsienti bilan intensiv qazib olish imkonini beradi.
Tog’ jinslarini qazib olish ishlari ularni burg’ilab-portlatish usulida qazishga tayyorlash va RN-40E ekskavatorlarini qo’llab amalga oshiriladi. Burg’ilash uskunalari sifatida ROS-860 yoki ROS-8L burg’ilash stanoklari qo’llaniladi.
Kon-transport uskunalari ish numdorligi va keraklicha soni 3.3 jadvalda keltirilgan.
Jadval 3.3

№№ p/p	Uskuna	Ish unumdorligi, ming. m^3
		soni	Hisobiy	Fakt
1	Ekskavatorlar EKG-5A, EKG-8I	3	1500	1280
2	Burg’ilash stanoklariSBSH-250, ROS-8L,	4	73 ming. pm	69 ming. pm
3	Avtosamosvallar BelAZ-75486	16	979 ming. t.km	920 ming. t.km

Kar’erda iqtisodiy samarali, xavfsiz va qazish ishlarini to’liq amalga oshirish uchun tayyorgarlik ishlarini, qoplama tog’ jinslarini v foydali qazilmani qazib olish ishlarining belgilangan tartibi qabul qilingan. Qazish ishlarini olib borish tartibini belgilashda asosiy omil uning morfologik xususiyatlari hisoblanadi:

-Ruda yotqiziqlarining (tanalari) tik yotishi (70°-80°);
-Ruda tanalarining nisbatan kam quvvatliligi, o’rtacha gorizontalь qalinlik 25 m;
Rudlanganlik zonasining cho’zinchoqligi. planda 2000 m.gacha cho’zilgan.
Joriy ishlab chiqarish hajmlarini to’g’ri belgilash va taqsimlash uchun qoplama tog’ jinslari va rudani davrlarga mos qazib olishning kombinatsiyalashgan bo’ylama-ko’ndalang qazib olish tizimi qabul qilingan. Bu esa kon maydoni bo’ylamasiga konni intensiv qazib olish va bo’ylamasiga ko’ndalang minimal miqdordagi ishchi bortni tekislash ishlarini olib borishni ta’minlaydi.
Qabul qilingan qazib olish tizimida qazish ishlari fronti ruda yotqiziqlari bo’ylamasiga rivojlanadi, qoplama tog’ jinslarini qazib olish fronti esa ham bo’ylamasiga va bo’ylamasig ko’ndalang yo’nalishlarda rivojlanib boradi.