Konferensiyasi

Anotatsiya: informatika darsida asosan SMM mavzularini yoritishda o‘quvchini 
kreativ fikrlashga undash usullaridan foydalanishning natijalari. 
Kalit so‟zlar: informatika, SMM mavzulari, kreativ fikrlash, yangi g‘oya, brend, 
logotip. 
Qaysi sohada bo'lmasin bilimlarni mustaqil ravishda egallashga intilish – o‘qituvchi va 
o'quvchi faoliyatining ta'lim muassasasidagi eng ajralib turadigan xususiyati, mustaqil o'qib, 
bilim orttirish asosi hisoblanadi. Ta'lim tizimida mustaqil bilim olish, nazorat qilish 
mustaqil ta'lim olishning asosiy omillaridan biri hisoblanadi. Mustaqil bilim olishda avvalo, 
oqituvchi va o‘quvchilarda mustaqil ishlashga, erkin, ijodiy faoliyat yuritishga va eng 
asosiysi mustaqil fikrlashga ehtiyojni shakllantirish lozim. 
Informatika fanida ham o‘qituvchini qiziqarli mavzularni o‘quvchi uchun yanada aniq 
tushunib yetishi uchun oson yo‘llarini izlanishga undaydi. Shunday mavzulardan SMM, 
ya‘ni Social Media Marketing [SMM] – bu ingliz tilidan ijtimoiy media marketing bo‘lib, 
Internet marketingning bir turi deb hisoblanadi. Uning asosiy maqsadi – ijtimoiy 
tarmoqlardan mijozlarni mahsulot va xizmatlaringizga jalb etish. 
O‘ylaymanki, ijtimoiy media qanchalik katta ekanligini muhokama qilishimiz shart 
emas. Ushbu tarmoq Internetning o‘zidan ham tezroq rivojlandi. Siz ham bir kuni ertalab 
uyg‘onganda Telegram yoki Instagram sahifalarini varaqlamaganingizni tasavvur qila 
olasizmi? 
Bugungi kunda dunyo aholisining 58,11% ijtimoiy tarmoqlardan faydalanadi: 
SMM nima deb so‘ralganda – bu o‘z brendingizni tanitish, sotuv hajmini ko‘paytirish 
va veb-sayt trafikini oshirish maqsadlari ham tushuniladi. SMM haqida ma‘lumot 
berayotganda sizning tarmoqdagi profilingizda kontent yaratish, obunachilaringiz bilan 
muloqot qilish va ularni jalb etish va ijtimoiy media (Instagram, Telegramda) reklama 
berishlarlarni o‘z ichiga oladi. 
SMM marketing nima uchun rivojlanib borayotganining asosiy sababi bu 
foydalanuvchilar soni kundan kunfa o‘sib borayotgani. Marketing Sherpa statistik 
ma‘lumotlariga ko‘ra, 18 yoshdan 34 yoshgacha bo‘lgan odamlarning 95%iga mahsulot 
brendini kuzatish va u bilan aloqa qilishda SMM media usuli eng qulayi deb hisoblashdi. 
SMM mutaxassis lavozimiga katta talab borligining sababi ham shu: deyarli har bir 
kompaniya SMM xizmatini ishlatadi. Hattoki ko‘pgina brendlar uchun bu online savdoda 
yagona reklama usuli ham. 

---