Korxona iqtisodiyoti

3. 
Korxonalar faoliyatiga taalluqli me’yoriy hujjatlarni yanada 
takomillashtirish yo’llari. 
Korxonalar faoliyatiga oid me’yoriy-huquqiy hujjatlarni takomillashtirib 
borish muhim ahamiyatga ega. Chunki ayrim qabul qilingan vaqt o’tishi bilan zamon 
talablariga javob bermay qolishi mumkin. Bunday holatlarda unga o’zgartirishlar 
kiritib borish yoki uni yangi tahrirda qabul qilish talab etiladi. Ayrim me’yoriy 
hujjatlar esa o’z ahamiyatini yo’qotganda bekor etilishi ham mumkin. 
Korxonalar faoliyatiga oid me’yoriy hujjatlarni yanada takomillashtirish 
uchun quyidagilarga e’tibor berish lozim: 
- korxonalar 
faoliyatiga oid me’yoriy hujjatlarni doimiy ravishda 
takomillashtirib borish; 

---

- rivojlangan xorijiy mamlakatlar tajribasidan o’rganib borish hamda ularning 
ilg’or tajribasilaridan korxonalar faoliyatiga oid me’yoriy hujjatlarni yanada 
takomillashtirishda foydalanish; 
- korxonalar 
faoliyatiga oid me’yoriy-huquqiy hujjatlarni bevosita 
tadbirkorlarning fikr-mulohazalarini inobatga olgan holda qabul qilish tizimini 
tashkil etish va hokazo.
Qisqacha xulosalar 
Korxonalar faoliyati turli xil me’yoriy hujjatlar bilan tartibga solinadi. Ushbu 
me’yoriy hujjatlar uni chiqargan hokimiyat darajasi va turiga ko'ra farqlanadi. 
Me’yoriy hujjatni qaysi organ qabul qilganiga qarab, uning yuridik kuchi aniqlanadi. 
Korxonani davlat ro‘yxatidan o‘tkazish uchun zarur bo‘lgan hujjatlardan eng 
asosiysi – korxona Nizomidir. Qonunda ta’qiqlanmagan faoliyat turi bilan 
shug‘ullanuvchi har qanday korxona Nizom asosida ish olib boradi. Nizom 
korxonaning ta’sis etuvchilari tomonidan ta’sis yig‘ilishida muhokama qilinadi va 
tasdiqlanadi. Korxona Nizomida korxonaning nomi, manzili, ta’sischilari, faoliyati, 
uning boshqaruv va nazorat organlari, ularning vakolati, korxona mol-mulkini 
tashkil etish va foydani taqsimlash tartibi, korxonani qaytadan tashkil qilish va uning 
faoliyatini to‘xtatish shartlari belgilab qo‘yiladi.