Kurs ishi mavzu: Emotsional xolatlarni inson ruxiyatiga ta’sirini o’rganish. 2022 mundarija

O’ZBEKISTON RESPUBLIKASI OLIY TA’LIM VAZIRLIGI

Farg’ona Davlat Universiteti
Psixologiya yo’nalishi
18.61-guruh talabasi Boymirzayeva Shohidaning
Tibbiyot psixologiyasi fanidan yozgan

KURS ISHI

Mavzu: Emotsional xolatlarni inson ruxiyatiga ta’sirini o’rganish.




2022


MUNDARIJA
Kirish ………………………………………………………………………...……4
I. Emotsiya va uning tabiatini o’rganish.
1.1 Emotsiyalar haqida umumiy tushuncha……………………………….....……6
1.2. Sezgi va emotsiya. Emotsiyalarning fiziologik mexanizmi.……………..….11
1.3 Inson va hayvonlardagi emotsiyalar …………………………………….……14

II. Odamlarni qanday bilish va tushunish mumkin?!
2.1 Emotsional buzilishlar. Emotsiyani amaliy jihatdan tadbiq etish……………18
Xulosa…………………………………………………………………………….25
Tavsiyalar…………………………………………………………………………26
Adabiyotlar ro’yxati………………………………………………………………27


Kirish
Mavzuning dolzarbligi:
Mamlakatimiz mustaqil bo’lgandan keyin chet mamlakatlari bilan iqtisodiy, madaniy aloqalar kuchayib bormoqda. O’zbekistonga kelayotgan turistlar, ishbilarmonlar, olimlar, biznesmenlar soni tobora ko’paymoqda. Ular orasida samimiy va garaz niyatlilari ham uchrab turadi. Ularni ajratib olish, asl niyatlaridan boxabar bo’lish uchun verbal va noverbal muloqot sirlaridan boxabar bo’lishni taqozo qiladi. Ushbu kurs ishim mavzusining muhimligi ana shu dolzarb muammoga qaratilganligidir. Olamda so’zsiz muloqot bo’yicha yangi mutaxassislar paydo bo’lishdi. Bu mutaxassislar qush va parandalarni kuzatib, ma’lumot yig’uvchi ornitologlar kabi, atrofdagi odamlarni kuzatib ular tomonidan berilayotgan turli belgilarni tahlil etib ma’lumotlar to’pladilar. So’zsiz muloqot mutaxassisi insonlarni har qanday sharoitda, turli vaziyatlarda kuzatish mumkin. Eng muhimi odamlar uchun bir-birlari bilan muloqatda bo’lish imkoniyati bo’lsa bas. Chunki kuzatish predmeti bo’lib odamlarning xatti-harakatlari xizmat qiladi. Bunday kuzatishlar mutaxassis uchun atrofdagilarni yaxshiroq tushunish, o’z- o’zini chuqurroq anglash va olingan ma’lumotlar asosida atrofdagilar bilan bo’layotgan munosabatlarni samarali bo’lishini ta’minlaydi. Ajablanarlisi shuki, inson yer yuzida bir million yildan ortik xayot kechirishiga qaramay, faqat o’tgan asrning 60-yillardagina so’zsiz muloqot muammosiga e’tiborini qaratdi va uning yo’llarini o’rgana boshladi. Insonlar so’zsiz muloqot to’g’risida, ya’ni gavdaning xatti-xarakatlari va yuz ifodalari to’g’risida birinchi kitob nashr etilgandan so’ng xabar topdi. 1970 yili Djulius Fostning ilk asari nashr etildi. Bu olim o’z kitobida bixeviorist yo’nalishidagi olimlarning so’zsiz muloqot yuzasidan olib borgan ishlariga yakun yasadi. Lekin shunga qaramay minglab odamlar yuz ifodasining tili mavjudligi va uning har bir inson xayotida katta rol o’ynashiga qaramay, bugungi kunda bu to’grisida yetarli ma’lumotga ega emasliklarini tan oldilar. Kinesika fan sifatida XX-asrning 2- yarmida vujudga keldi. Lekin odamlarni ushbu xususiyatlarini o’rganish va aniqlashga bo’lgan qiziqishi bir necha ming yillar avval paydo bo’lgan bo’lsada hozirgi kunda ham o’z dolzarbligini yo’qotgani yo’q. Bunga sabab insoniyatni o’zligini anglashga va o’zaro muloqot jarayonida suhbatdoshning ruhiy xolatini, ichki kechinmalarini, fikr va niyatlarini bilishga qiziqishdir.