M. Dáwletov, Sh. Allaniyazova, D. Seytqasımov, A. Dáwletova

2-shınıǵıw. Qosıqtı tásirli etip oqıń hám yadlap alıń. 
ÓZBEKSTAN
Ata jurtı — Túrkstanı bar, 
Tilde dástan ul-qızları bar,
Ulıǵbektiń juldızları bar,
Ózbekstan — Watanım meniń.
Duwtardaǵı tilla tar qusap,
Kúnshıǵısta kúndey jarqırap,
Nawayıdan nusqa — «Shar kitap»,
Ózbekstan — Watanım meniń.

---

5
Bir dáryanıń eki jaǵısı,
Bir arbanıń eki arısı,
Biri — tulpar, biri — namısı,
Ózbekstan — Watanım meniń.
Ámir Temur sahıbqıranı,
Ullılıqtıń naǵız uranı,
Dúnya tursa ol da turadı,
Ózbekstan — Watanım meniń.
Aǵa-ini — ózbek, qaraqalpaq,
Ustaz-shákirt — Nawayı, Berdaq,
Ál-Beruniy tuwılǵan topıraq,
Ózbekstan — Watanım meniń.
Táriyiplewge hasla til jetpes,
Dańqı — dástan, xalqı — miynetkesh,
Ullılıqtan basqanı úyretpes,
Ózbekstan — Watanım meniń.
(T. Qabulov)
3-shınıǵıw. Sáwbetti rollerge bólip oqıń hám dawam ettiriń.
— Sálem, Ernazar.
— Sálem, Ayjamal.
— Bileseń be, búgin qanday kún?
— Awa, bilemen. Búgin Ózbekstan Respublikasınıń ǵárez-
sizlikke erisken kúni.
— Ózbekstan Respublikası óz ǵárezsizligine qashan eristi?
— Ózbekstan Respublikası óz ǵárezsizligine 1991-jılı, 
1-sentyabrde eristi.
— Sen qalay oylaysań, ǵárezsizlik bizge nelerdi berdi?
— Ǵárezsizlik bizge óz huqıq hám erkinliklerimizdi, 
dinimizdi, tilimizdi qaytarıp berdi.
Sorawlar hám tapsırmalar:
1. Ózbekstan Respublikası óz ǵárezsizligine qashan eristi?
2. Ǵárezsizlik degende neni túsinesiz?

---

6
3. Ǵárezsizlik biziń xalqımızǵa ne berdi?
4. «Ǵárezsiz Watan» temasında kishi kólemde shıǵarma 
jumısın jazıp keliń.
Sózlik