M. Dáwletov, Sh. Allaniyazova, D. Seytqasımov, A. Dáwletova

§ 11. Biziń perzentlik parızımız
63-shınıǵıw. «Watandı qorǵaw — biziń perzentlik parızımız» 
temasın oqıń, mazmunın aytıp beriń.
Dúnyada insan ushın qádirli nárse kóp. Dógerek átirapı-
nıń tınıshlıǵı, bala-shaǵasınıń amanlıǵı, bekkem densaw-
lıq — bulardıń barlıǵı adam balasınıń taptırmaytuǵın baylıǵı. 
Lekin, olardıń hámmesiniń qádir-qımbatı bir tiyinǵa tur-
maydı, eger insan balasınıń kókirekti kerip nápes alatuǵın 
Watanı bolmasa! 
Watanda jasaw úlken baxıt, onnan ayırılıw úken 
apatshılıq bolıp esaplanadı. Watandı súyiw, onıń qoynındaǵı 
jemislerdi qádirlew ushın onıń tariyxın, xalqın, tábiyatın 
tereń úyreniw lazım. Biziń jurtımız Ózbekstan — eski tariyxı, 
dóretiwshi xalqı, bay jeri, tákirarlanbas tábiyatı, qolay 
klimatı menen dúnyadaǵı teńi joq úlke.
Biziń wazıypamız usı eldi sırtqı jawlardan qorǵaw, 
onıń baylıqların kózdiń qarashıǵınday asıraw, saqlaw bolıp 
esaplanadı. Sonsha gózzal tábiyatqa, tábiyiy baylıqlarǵa iye 
bay elimizdi sırtqı jawlarǵa tiygizbew ushın oǵan sadıq, 
márt bolıp ósiwimiz kerek. Ata-babalarımız bolǵan Shıraq, 
Tumaris, Spitamen, Ámir Temur hám keshegi ekinshi jer 
júzilik urısta atalarımız qanday mártliktiń úlgilerin kórsetken 
bolsa, biz de solarday bolıwǵa háreket etiwimiz tiyis.
64-shınıǵıw. Qosıqtı kórkemlep oqıń. Yadlap alıń.
PERZENTIM
Xalıq ushın tuwılıp kámalǵa keldiń,
Jawınger jasları baxıtlı eldiń,
Watanıńa búgin wádeńdi berdiń,
Wazıypańdı orınlap kel, perzentim.
Tuwǵan eldiń ar-namısın alıp kel,
Dushpannıń basına sawda salıp kel,
Jeńistiń namasın tezden shalıp kel,
Meniń saǵan tapsırmam sol, perzentim.
4 — Qaraqalpaq tili, 8-kl

---

50
Shıqtıńız tolısıp on segiz jasqa,
Aytarlıq joq balam jeńisten basqa,
Qolıńdı ber shın haqıyqat joldasqa,
Dushpanıńa miyrimsiz bol, perzentim.
Úlgili isleńiz kúndiz de, kesh te,
Erligiń turadı máńgilik este,
Ózińdi tanıtıp ullı gúreste,
Nagradlanıp quwanıp kel, perzentim.
Jeńisten shıǵadı túrli jemisler,
Ózleri kelmeydi balam jeńisler.
Basqınshılıq etken bizge fashistler,
Sen olardı qıyratıp kel, perzentim.
Dushpannıń ızasın shıǵarmay yadtan,
Fashistlerdi qıyratıp kel fronttan.
Jaralǵanday kúshiń gáwhar, polattan,
Tuwǵan eldiń qorǵanı bol, perzentim.
(S. Nurımbetov)