68
§ 16. Tuwǵan elge súyispenshilik
89-shınıǵıw. Tekstti oqıń. Mazmunın aytıp beriń.
Ózbekstan — quyashlı úlke. Onıń qubla aymaqlarında
quyashlı kúnler 2800—3130 saatqa jetedi. Elimizdiń haywa-
nat hám ósimlikler dúnyası júdá bay. Respublikamızda tawlı
rayonlar, shól zonası hám jasıl oypatlıqlar bir-birine tutasıp
ketken. Biz usınday jánnetmákan jerde tuwılǵanımızǵa quwa-
nıshlımız.
Ózbekstan quramındaǵı Qaraqalpaqstan Respublikası da
óziniń ájayıp tábiyiy ıqlımı menen ózgeshelenip turadı. Onıń
kóbirek shól zonasına beyimligi, qısınıń suwıq kúnleri, jazı-
nıń ıssı kúnleri kóp bolıwına
qaramastan, ol biziń tuwǵan
jerimiz, ata mákanımız, kindik qanımız tamǵan jer bolıp
esaplanadı. Biz onıń hárqanday sawǵalarınan jaqsı niyetke,
jaqsı tileklerge paydalanıwımız kerek. Onıń gúllep-jasnawı
ushın hárqanday qıyınshılıqlarǵa shıdam berip, bilim alıp,
kúsh-jigerimizdi jumsawımız lazım. Sebebi biziń
bilimimiz,
miynetimiz arqalı biz tuwılıp ósken hár awıl, hárbir qala
abat hám gózzal orınlarǵa
aylanar eken, ol biziń tuw-
ǵan jerimiz, Watanımız, áziz Qaraqalpaqstanımız bolıp
esaplanadı.
Xalqımız shayırı B. Qayıpnazarovtıń «Miynet et» qosıǵı
biz jaslar ushın tuwǵan jerge degen ullılıqtıń, onı asırap-
saqlawdıń, jaslıq jigerimizdi jumsawdıń tımsalı bolıwı kerek.
Do'stlaringiz bilan baham: 
