M. Dáwletov, Sh. Allaniyazova, D. Seytqasımov, A. Dáwletova

Úlgi: Sabaqtan soń kelemen.
131-shınıǵıw. Qosıqtı kórkemlep oqıń. Mazmunın sóylep be-
riń. Iyesi belgili gáplerdi tabıń.
Áy ana, bilemen tilegimdeseń,
Sen mudamı meniń júregimdeseń,
Qanday kóretuǵın bolsań sen meni,
Men de tap janımday kóremen seni.
Balalıq dáwirimdi eske alayın,
Ótken ómirimdi oylap qarayın,
Bóbek boldım, bala boldım, erjettim,
Adam etip, seniń óziń dórettiń.
Qansha qıyqanshılıq etsem shıdadıń,
«Aspandaǵı aydı áper», — dep jıladım,
Pal berseń, sút ber! — dep qıńırlıq ettim,
Neshe tártipsizlik isti ettim men.
Ayıpsınbay kewilime jettiń sen,
Bárin húrmet penen eske alaman,
Oylaǵanda uyalıp ta qalaman.
Ullı-kishi, aǵa, qarındas, inim,
Bárińde de boldı meniń minezim,
Hámmesiniń erkeligin keshirdiń.
(T. Jumamuratov).
§ 23. Qız ósse, eldiń kórki
132-shınıǵıw. Tekstti oqıp shıǵıp, mazmunın sóylep beriń.
«Alp — anadan, tulpar — biyeden», — degendey, barlıq jaqsı 
minez-qulıqtı, ádetlerdi barlıq jaqsı hasıl qásiyetlerdi qız 
bala anadan, uyadan aladı. «Uyada neni kórseń, ushqanda 

---

101
sonı isleyseń», jáne de xalqımızda «Bir qızǵa jeti máhálle 
ata-ana» degen gáp biykarǵa aytılmaǵan. Jaqsı qız tek ata-
anasınıń emes, al pútkil máhálleniń maqtanıshı. 
Qız balanıń tárbiyasına máhálle jámááti, qońsılar da 
juwapker boladı. Ata-ana qız balaǵa sóylew ádebi, qarım-
qatnas, sıylasıq, kiyiniw ádebi, sálemlesiw hám jaqsı minez-
qulıqqa iye bolıw sıyaqlı jaqsı pazıyletlerdi úyretip barıw 
lazım.
Hayal-qızlar sulıwlıqtıń, gózzallıqtıń tımsalı. Sonlıqtan 
qızlarımızdıń ishki gózzallıǵı menen sırtqı sulıwlıǵı sáykes 
bolıwı kerek.
133-shınıǵıw. Qosıqtı oqıń. Mazmunın sóylep beriń.
QÍZLARÍ BAR BIZIŃ ELDIŃ
Qara qasın qıya qaqqan,
Óńirine túyme taqqan,
At arbalı toyǵa shıqqan,
Qızları bar biziń eldiń.
Uzın boylı keń qushaǵı,
Jipek yańlı tulımshaǵı,
Altın-gúmis ónir monshaǵı,
Qızları bar biziń eldiń.
Kisi sayıp aytpaydı sóz,
Alma moyın, kúygelek kóz,
Kúnde toqır qırq ǵarı bóz,
Qızları bar biziń eldiń.
(Gúlmurat shayır)