M. Dáwletov, Sh. Allaniyazova, D. Seytqasımov, A. Dáwletova

149-shınıǵıw. Qawıs ishinde berilgen feyillerge tiyisli qosım-
talar qosıp, dáslep iyesi belgili, keyin iyesiz gápler dúziń.
Ú l g i :  Sabaqqa ruqsatsız kirmeń. Sabaqqa ruqsatsız 
kiriwge bolmaydı.
1. Miynetsiz tabısqa (erisiw). 2. Taprsırmanı óz waqtında 
(orınlaw). 3. Jası úlkenlerdi (sıylaw). 4. Jámiyetlik orınlarda 
bálent dawıs penen (sóylemew). 5. Birewdiń múlkine (qıya-
net etpew). 6. Mámleketlik til haqqındaǵı nızamdı (orınlaw). 
7. Ata-ananı (húrmetlew).
150-shınıǵıw. Oqıp shıǵıń. Teksttiń mazmunın sóylep beriń.
Nawrız Qazaqstanda diyqanshılıq hám zúráát bayramı 
retinde belgilengen. Qazaqstanda Nawrız ádette Ózbekstan-
daǵı sıyaqlı mart ayında belgilenip, qazaq xalqı da onı 
ózine tán salt-dástúrler menen ótkergen. Usınıń menen birge 
Nawrız seyili de dástúrge aynalǵan. Qız-jigitlerdiń óleń (qo-
sıq) aytıwı áhmiyetli ózgesheliklerdiń biri esaplanǵan. Nawrız 
kúnin qazaq xalqı da «Ulıstıń ullı kúni» dep ataǵan.
Nawrız bayramında pisiriletuǵın taǵamlardıń arasında 
tiykarǵısı nawrızlıq góje bolǵan. Nawrız bayramında góje 
pisiriw tek Qazaqstanǵa ǵana tán ádet bolıp qalmastan, 
bul dástúr Orta Aziyanıń basqa da aymaqlarında bar. Atap 

---

112
aytqanda, Xorezmde Nawrız bayramında góje pisirilgen hám 
onı «Nawrız góje» dep ataǵan.
Bayramda kúndiz mol-molaqay dasturqanlar jayılǵan. 
Túrli báygiler, atshabar, palwanlar bellesiwi ótkerilgen. Al, 
keshte milliy qosıqlar aytılǵan hám oyın-zawıqlar otkerilgen. 
Bul bayramda dástúrli saltanatlardan taǵı biri «altı baqan» 
bolıp, onda jaslar átkónshek ushqan.
Demek, Nawrız bayramı 21-martta baslanıwı hám dás-
túrli xalıq bayramı bolǵanı ushın demalıs kúni dep belgi-
lengen.
Sorawlar hám tapsırmalar:
1. Iyesiz gáp dep nege aytamız?
2. Iyesiz gápke mısallar keltiriń. Keltirilgen mısallardı 
óz ana tilińizge awdarıń.