M. Dáwletov, Sh. Allaniyazova, D. Seytqasımov, A. Dáwletova

152-shınıǵıw. Qosıqtı kórkemlep oqıń, yadlap alıń.
8 — Qaraqalpaq tili, 8-kl

---

114
SHIŃQOBÍZ
Anam seni sandıǵında saqlaǵan,
Saqlamasa kewli qarar tappaǵan,
Esitkende seniń sulıw sestińdi,
Esken samal el shetinde toqtaǵan,
Seniń sulıw sestiń ushın, shıńqobız.
Qız-jawanlar qozǵap júrek dártlerin,
Ashıq aytqan ashıqlıqtıń shártlerin,
Alısqa at, jaqınǵa xat jollatıp,
Jawlap alǵan jigitlerdiń mártlerin,
Seniń sulıw sestiń ushın, shıńqobız.
Tilla ziban shuǵla shashqan nurlarday,
Onda tereń bir ájayıp sır barday,
Dúnya máńgi qulpı dónip dolanıp,
Gózzallıǵın saǵan berip turǵanday,
Seniń sulıw sestiń ushın, shıńqobız.
Anam seni sandıǵında saqlaǵan,
Saqlamasa kewli qarar tappaǵan,
«Sahra búlbúli» dep biykardan-biykar,
Atalmaǵan aqırı qaraqalpaqlar hám,
Seniń sulıw sestiń ushın, shıńqobız.
(T.Qabulov)
153-shınıǵıw. Qosıqtı kórkemlep oqıń.
BERDAQTÍŃ DUWTARÍ
Haslıń seniń aǵashtandur,
Sóyle duwtar, sóyle duwtar.
Hawazıń tolı ármandur,
Dártiń bayan áyle, duwtar.
Ullı shayır iyeń bolǵan,
Qulaǵıńa búlbúl qonǵan,

---

115
Ullı toylardı atqarǵan,
Dańqıń belli elge, duwtar.
Góne zamannıń gúwası,
Sharxanańda saz aǵlası,
Berdaq babamnıń muńlası,
Dártiń bayan áyle, duwtar.
Gúmbirlegen sazǵa baysań,
Dártlerimdi qozǵaǵaysań,
Gúńirenip nege jılaysań?
Tiliń bolsa sóyle, duwtar. 
(I. Yusupov)
Sorawlar:
1. Qaraqalpaqlardıń milliy saz ásbaplarına neler kiredi?
2. Saz ásbaplarınıń qollanılıw ózgesheligi qanday?
3. Sizler jáne qanday saz ásbapların bilesiz?
Sózlik
Qaraqalpaq-