M. Dáwletov, Sh. Allaniyazova, D. Seytqasımov, A. Dáwletova

Iyul. Túski on eki. Ádil úyge tuwrılap kiyatır. 
(G.E.)

---

117
Nókis. Samolyot qalanıń ústinen aylanǵanda Shınar 
ózin shıraq teńizinde júzip kiyatırǵanday sezdi. (G.E.)
156-shınıǵıw. Gáplerdi oqıń. Ataw gáplerdi anıqlań. Qanday 
sózler arqalı ańlatılıp turǵanlıǵın túsindirip beriń.
Tastay qarańǵı tún. Dumanlı. Jamǵır silpilep jawıp tur. 
(K.S.)
Iyul aqshamı. Aylı tún. Shınar áynekten qarap, on 
tórtten tuwǵan alıstaǵı ay menen sırlasqısı keledi. (G.Y.)
Qáhárli qıs. Burqıraǵan boran. Qalıń qar. Miytindey 
qatqan muz. Aq bult aqırın jılısıp, kóship baratıǵanday. 
Qıyalaw ushqan quslar. Dirildep ushqan torǵay menen 
shımshıqlar putadan-putaǵa qonadı. (J.A.)
Ízǵırıq ayaz. Eshekli, arqalanǵan top-top kóshler moyın-
larına diywanalıq qaltasın asınıp, jeteleskenlerdiń birazı awıl-
dan shıǵıp baratırsa, jáne sol qıylıları kirip kiyatır. (T.Q.)
Anajanım! Sen maǵan qanday qádirdansań. (J.A.)
157-shınıǵıw. Qosıqtı kórkemlep oqıń. Ataw gáplerdi anıqlań.
Qıs. Qırawlı tańlarda,
Qardıń qádirin bilmeymiz.
Ádet bolıp qalǵan ba?
Bardıń qádirin bilmeymiz.
Sentyabrdiń sońı.
Salqın samallar
Kewil tarlarıńdı eltip qashpaydı.
O, Bime! Úrginlerde
Qarlarıńdı tósenip,
Jatır edik. Bul kúnlerde.
Aprel tańı. Nurlı pasıl
Baǵar altın saylardan.
Sáske paytı. Quyash tınıq.
Tırnalardıń dizbegi qatar,
Japıraqların tallar qımtınıp.
(J.Izbasqanov)

---

118
158-shınıǵıw. Ózlerińiz kórkem shıǵarmalardan ataw gápke 7 
gáp tawıp jazıń. Ataw gáplerdiń basqa bir bas aǵzalı hám eki 
bas aǵzalı gáplerden ózgesheligin aytıń.
Sorawlar hám tapsırmalar:
1. Ataw gáp dep nege aytamız?
2. Ataw gaptiń ózine tán ózgesheligin aytıń.