M. G. Safin, B. S. Alikulov, F. A. Ruziev

Ekstraktsiyalash.  Sovitilgan  quyon  mushaklari  go`sht  maydalagichdan  o`tkaziladi. 

Maydalangan  go`shtdan  200-300  g  olib,  unga  teng  hajmda  5  mM  EDTA  eritmasi 

qo`shib,  10  minut  aralashtiriladi  va  so`ng  sentrifugalanadi.  Cho`kmaga  dastlabki 

olingan  hajmda  EDTA  eritmasi  qo`shiladi  va  ekstraktsiya  yana  takrorlanadi  hamda 

resentrifugalanadi.  So`ng oldingi  va keyingi  ekstraktlar  birlashtiriladi. 

Ammoniy  sulfat  bilan  fraksiyalash.  Ekstraktning  pH  ko`rsatkichi  ammiak  qo`shib 

7,5  ga  yetkaziladi.  Unga  teng  hajmda  to`yingan  ammoniy  sulfat  eritmasi  (pH  –  7,5) 

qo`shiladi  va  aralashtiriladi  hamda  10-15  minut  tinch  qoldirilgandan  keyin 

sentrifugalanadi.  Supernatantning  to`yoinish  darajasini  0,52  (  har  100  ml  ga  4  ml  dan 

pH  ko`rsatkichi  7,5  bo`lgan  to`yingan  ammoniy  sulfat  eritmasi  qo`shib)  ga 

yetkaziladi.  Bundan  keyin  ammiak  qo`shib,  pH  8,5  gacha  oshiriladi.  Hamma  ishlar 

sovuq  sharoitda  olib  boriladi.  Aralashma  bir  kecha  sovuq  sharoitda  qoldiriladi. 

Kristallizatsiyani  kuchaytirish  uchun  aralshmani    sovutib,  so`ng  xona  haroratida 

eriguncha  saqlab  va  keyin  yana  sovutish  orqali  tezlashtirish  mumkin.  Aralashma 

sentrifugalanib,   cho`kmasi ajratiladi.