M. G. Safin,D. G‘. Hayitov, yu. S. Ruziyev

 
53- ish. E vitaminiga xos reaksiyalar 
 
E vitamini (tokoferol) benzopiren va geksadekan qoldiqlardan tashkil 
topgan bo‘lib, α, β va γ-tokoferollar shaklida uchraydi. Kimyoviy tuzilishi 
jihatidan trimetilgidroxinonning geksadekan bilan hosil qilgan mahsuloti 
hisoblanadii. α- tokoferolning tuzilishi quyidagicha: 
 
E vitamin antioksidant hisoblanib biologik faol moddalarni 
parchalanib ketishdan, kaliy ionini yuvilib ketishdan saqlaydi. 
Tokoferollar hayvon va o‘simlik mahsulotlarida, ayniqsa o‘simlik moylari, 
tuxum, sariyog‘, go‘sht va boshqa mahsulotlarda ko‘p uchraydi. 
Odamlarning E vitaminga bo‘lgan ehtiyoji bir kech-kunduzda 5-20mg ni 
tashkil etadi. 
Kerakli biomaterial: dorixonalarda sotuvda bo‘lgan α-tokoferolning 
0,1 % li spitrli eritmasi. 
Kerakli jihozlar: shtativ, probirkalar, pipetkalar, shisha tayoqcha
Kerakli reaktivlar: temir (III) xloridning 1 li eritmasi, konsentrlangan 
nitrat kislota. 
1-tajriba. E vitaminini temir (III) xlorid bilan rangli reaksiyasi 
 
Ishni bajarish tartibi Probirkaga 5 tomchi α-tokoferolning 0,1 % li 
spirtli eritmasi va 0,5 ml 1 % li temir (III) xloridning eritmasi solinadi hamda 
yaxshilab aralashtiriladi. Reaksiya natijasida E vitamini qizil rangli 
tokoferilxinonga aylanishi kuzatiladi. 

---

141 
2- tajriba E vitaminini konsentrlangan nitrat kislota bilan rangli 
reaksiyasi 
Ishni bajarish tartibi. Probirkaga 5 tomchi α-tokoferolning 0,1 % li 
spirtli eritmasi va 10 tomchi konsentrlangan nitrat kislota solib, yaxshilab 
aralashtiriladi. Reaksiya natijasida emulsiya hosil bo‘ladi va ikki qatlamga 
ajraladikyeyinchalik uning yuqori qismi moysimon qizil rangga kiradi.