Махкамова нодира улфатовна

Тадқиқотнинг илмий янгилиги қуйидагиларда кўринади:
Бўлажак ўқитувчиларда ижодий фикрлаш маданиятини шакллантиришда педагогик таьлим фанларининг мос мавзулари ва материалларини интегратив ёндашув асосида ўргатиш имкониятлари ва дидактик жарайонлари такомиллаштирилган;
Бўлажак ўқитувчиларнинг танқидий ва ижодий фикрлаш, коммуникатив диалог, ижодий ва репродуктив қобилиятларини ривожлантиришда педагогик таълим траекторияси уйғунлигини таъминлаш асосида такомиллаштирилган;
Педагогик таьлим бўйича бўлажак ўқитувчиларда ижодий фикрлаш маданиятини шакллантиришга қаратилган ўқитиш воситаларининг методлари ва дарсдан ташқари тадбирлар таснифи аниқланди;
Ижодий фикрлаш маданиятини шакллантиришга оид ўқитиш услублари ҳамда педагогик фанларининг мос мавзуларидан самарали фойдаланишнинг шарт шароитлари ишлаб чиқилди.
Тадқиқотнинг амалий натижалари қуйидагилар билан белгиланади:
Педагогик таьлим фанини ўқитиш жараёнида бўлажак ўқитувчиларда ижодий фикрлаш маданиятини шакллантиришга йўналтирилган мос мавзулар, материаллар танлаб олиниб таснифлаштирилди;
Педагогик таьлим фанларини ўқитиш жараёнида бўлажак ўқитувчиларда ижодий фикрлаш маданиятини шакллантириш сифатини таъминлашга йўналтирилган ўқув манбалари, омиллари аниқланди ва ўқув жараёнига жорий этилган;
Педагогик таьлим бўлажак ўқитувчиларида ижодий фикрлаш маданиятини шакклантиришда амалий машғулотларни ташкил этиш самарадорлигини оширишга қаратилган “Ижодий фикрлилик комил инсоннинг маънавий зийнати” мавзусида ўқув курси дастури ишлаб чиқилиб амалиётга жорий этилди;
Педагогик таьлим жараёнида бўлажак ўқитувчиларда ижодий фикрлаш маданиятининг шаклланганлик даражасини аниқлаш ва таҳлил қилиш мезонлари дидактик материаллар асосида аниқланди ва ўқув жараёнига жорий этилди.
Тадқиқот натижаларининг ишончлилиги фойдаланилган метод, ёндашув ва назарий маълумотларнинг аниқ ва расмий манбалардан олинганлиги, мавзу бўйича энг мақбул тадқиқот методикалари мажмуи амалга оширилганлиги, умумтаълим фанларининг қўйилган мақсадга мос мавзулари асосида ўқув материалларининг танлаб олинган манбаларнинг ҳаққонийлиги, ишончлилиги, келтирилган таҳлиллар ва тажрибавий иш самарадорлигининг математик статистика методлари билан асосланганлиги, хулоса, таклиф ва тавсияларнинг амалиётга жорийланиши билан тасдиқланди.