Махкамова нодира улфатовна

ИККИНЧИ БОБ БЎЙИЧА ХУЛОСАЛАР

Мазкур бобда педагогик таьлим ўқитиш жараёнида бoлажак ўқитувчиларда ижодий фикрлаш маданиятини шакллантириш мазмуни, технологияси ва методикасига бағишланган. Унда ижодий фикрлаш маданиятини шакллантиришнинг мазмуни, шакл ва методлари ўз аксини топган. “Педагогик таьлим” фанларидаги мавзулардан фойдаланган ҳолда ташкил этилган амалий машғулотларида бoлажак ўқитувчиларда ижодий фикрлаш маданияти ҳақидаги билимлари кенгайтирилди. Ушбу бобда бoлажак ўқитувчиларда ижодий фикрлаш маданиятини шакллантириш омиллари ва тизими ишлаб чиқилди ва дарс мавзу ва услублари, ИФМни шаклллантиришнинг илғор педагогик технологиялари такомиллаштирилди.

Педагогик таьлим машғулотларида бoлажак ўқитувчиларда ижодий фикрлаш маданиятини шакллантиришга қаратилган дарсларда илғор таълим воситаларидан самарали фойдаланилди ва уларнинг қўлланилиши бўйича услубий тавсиялар ишлаб чиқилди. Шу билан бирга таълим самарадорлигини оширишни таъминлайдиган таълим воситалари билан бир қаторда ёрдамчи воситалар, илғор технологиялардан ҳам дарсларда унумли қўлланилди.
Дарсларда бoлажак ўқитувчиларда ижодий фикрлаш мотивациясини юзага келтириш мақсадида уларда тизимли ижодий фикрлаш, олинган билимларни таққослаш ва қиёслаш, танқидий ва таҳлилий фикр юритиш кўникмаларини ривожлантирадиган “Ақлий ҳужум”, “Б, БХ, БО” (Биламан, Билишни хоҳлайман, Билиб олдим), “Инсерт жадвали” мунозара-дарс, Кластер, “Қандай?” иерархик диаграммаси, “Нима учун?” диаграммаси, “Т-жадвали”, муаммоли дарс, мунозара-дарс, интервью-дарс, “Венн диаграммаси”дан ижодий фойдланилди. Шу билан бирга бoлажак ўқитувчилар билими даражасини аниқлаш ва олинган билимлар, тушунчаларнинг ўзлаштирилганлик даражасини таҳлил қилишга ёрдам берадиган тест синовлари, мустақил иш турларидан атрофлича фойдаланилди.
Педагогик таьлим фанлари дарсларида билим, кўникма ва малакаларни ривожлантириш методикаси ишлаб чиқилди.


III БОБ. ПЕДАГОГИК ТАЪЛИМ ЖАРАЁНИДА ТАЛАБАЛАРДА ИЖОДИЙ ФИКРЛАШ МАДАНИЯТИНИ РИВОЖЛАНТИРИШ КОМПЕТЕНСИЯСИНИ БУЙИЧА ТАЖРИБА-СИНОВ ИШЛАРИ