Мактабларида

Т/р	Машқлар	Аъло "5"	Яхши "4"	Қониқарли "3"
Қониқарсиз "2"
1.	Буюмларсиз УРМни бажариш техникаси	5%	17%	32%	46%
2.	Саф машқларини бажариш техникаси	7%	21%	36%	36%
3.	Акробатика машқлари: олдинга, орқага умбалоқ ошишни бажариш техникаси	21%	19%	33%	27%
4.	Белда ва куракларда туришни бажариш техникаси	13%	19%	29%	39%
5.	“Кўприк” ҳосил қилишни бажариш техникаси	16%	17%	28%	39%
6.	Буюмлар билан бажариладиган УРМ мажмуасини бажариш техникаси	12%	21%	29%	38%
7.	Арқонга уч ҳаракат усулида тирмашиб чиқишни бажариш техникаси	19%	17%	33%	31%
8.	Баланд ва паст турникларда осилиш машқларини бажариш техникаси	14%	22%	30%	34%
9.	Полда ва гимнастика ўриндиқларида қўлларни букиш ва ёзиш машқларини бажариш техникаси	19%	17%	33%	31%
10.	Таяниб сакраш машқларини бажариш техникаси	13%	17%	29%	41%
11.	Гимнастика “эшаги” дан оёқларни кериб ва букиб сакрашни бажариш техникаси	6%	24%	32%	38%
12.	Баландлиги 5 метрли арқонга тирмашиб чиқишни бажариш техникаси	13%	23%	34%	30%
13.	Яккачўп устида мувозанат сақлаш машқларини бажариш техникаси	12%	19%	37%	32%
14.	Яккачўп устида турли (бурилиш, сакраб юриш, сакраб тушиш) машқларни бажариш техникаси	12,50%	17,50%	29%	41%
15.	“Қалдирғочни” бажариш техникаси	18%	18%	33%	31%

“Полда ва гимнастика ўриндиқларида қўлларни букиш ва ёзиш машқларини бажариши техникаси” бўйича экспертлар гуруҳи томонидан тажрибада иштирок этган 5-синф ўқувчиларининг 19% - “аъло”, 17% - “яхши”, 33% - “қониқарли”, 31% - “қониқарсиз” баҳоланган. Мазкур ҳолат ушбу ёшдаги болаларда куч сифати яхши ривожланмаганлигидан далолат беради.
5-синф ўқувчиларининг гимнастика техникасини ўзлаштиришда “Акробатика машқлари: олдинга, орқага умбалоқ ошишни бажариш” техникаси экспертлар томонидан қуйидагича баҳоланди: 21% - “аъло”, 19% - “яхши”, 33%

• 
  “қониқарли”, 27% - “қониқарсиз”.
  

Мактаб ўқувчиларида “Белда ва куракларда туришни бажариш” техникасини баҳолаш бўйича ўтказилган тажрибалардан қуйидаги маълумотлар олинди. Унга кўра ўқувчиларнинг 13% - “аъло”, 19% - “яхши”, 29% - “қониқарли”, 39% - “қониқарсиз” баҳоланган.
Арқонга тирмашиб чиқиш учун аввал арқонга оёқларни чалиштириб, ушлаб туриш ўрганилади. Сўнгра арқонни оёқларнинг орасига олиб, бир оёқнинг панжаси ва бошқа оёқнинг товони орасида арқонни қисиб ушлаш ўрганилади.
Уч усулда арқонга тортилиб чиқиш. Қўлларни тепага кўтариб, панжалар билан арқон қаттиқ ушланади. “Бир” деганда, арқонга осилиб, оёқларни тиззадан букиб, кўкрак томон тортилади ва оёқлар чалиштириб олинади. „Икки“ деганда, қўлларни букиб, арқонни оёқлар билан қаттиқ қисиб олинади. Кўтарилаётганда оёқларни арқонга сидириб тортилиш қўпол хато ҳисобланади. „Уч“ деганда, оёқлар билан арқонни маҳкам қисиб олиб, қўллар тепага кетма-кет ҳаракатлантирилади.
“Арқонга уч ҳаракат усулида тирмашиб чиқишни” бажариш экспертлар гуруҳи томонидан 5-синф ўқувчиларининг 19% - “аъло”, 17% - “яхши”, 33% - “қониқарли”, 31% - “қониқарсиз” баҳоланган. Мазкур холат мактаб ўқувчиларида куч сифатининг ривожланиши талаб даражасида эмаслигини исботлайди.