Марказий нерв системасини хусусий физиологияси Орка мия

Олдинги ва орка илдизлар толаларининг периферияда таксимланиши. Ч.Шеррингтон илдизларни кесиб куйиб утказган тажрибаларида курсатиб берганидек, орка миянинг хар бир сегментидан хар томонда биттадан орка илдиз бошланади, шу сегмент гавданинг учта кундаланг булаги – метамерини иннервациялайди (бир метамер орка миянинг сегментига мос келади, иккинчиси унинг устида, учинчиси остида ётади). Хар бир метамер орка миянинг устма-уст ётувчи учта илдизидан сезувчи толалар олади. Шу сабабли бир илдиз киркиб куйилганда хайвоннинг тегишли метамеридаги сезувчанлик тула йуколмайди. Борди-ю, барча орка илдизларининг биттасидан бошка хаммаси орка мия буйлаб киркиб куйилса, сезувчанлик бир метамерда эмас, учта метамерда сакланади, шу билан бирга урта метамердаги сезувчанлик деярли узгармай тураверади, кушни метамердаги сезувчанлик эса бирмунча пасаяди. Бу маълумотлар шундан гувохлик берадики, периферияда афферент нерв толаларининг таркалиш зоналари бир-бирини ёпиб утади. Бу, сунгги вактда электрофизиологик тадкикотларда исбот этилди. Гавданинг ёнма-ён учта метамеридаги терига таъсир этилганда хадеб бир орка илдизда афферент импульслар окими кузатилиши уша тадкикотларда курсатиб берилди.
Харакат системасига келганда, сегментар иннервация факат ковурга аро мускуллар учун исбот этилган. Колган мускуллар бир неча метамерга мансуб булиб, бир неча илдиздан утувчи толадан иннервацияланади.
Спинал шок. Хайвонлар устидаги тажрибаларда орка мияни турли боскичларда тула ёки кисман киркиб куйиб, унинг рефлектор функцияси урганилади.
Сутэмизувчи хайвонларда орка мияни мумкин кадар юкоридан киркиб куйиб (4-5 буйин сегментининг рупарасидан киркиб куйиш мумкин), хайвоннинг узок вакт омон колишига эришса булади. Орка мияни бу сегментларнинг юкорисидан киркиб куйиш натижасида нафас олиш тухтаб, хайвон улиб колади, чунки бу холда диафрагма нервларининг орка миядаги (спинал) ядроларига нафас марказидан импульслар келмай колади. Орка мия 4-буйин сегментининг пастрогидан киркиб куйилса, диафрагмал типдаги нафас олиш сакланиб колади (диафрагма нерви 3–4-буйин сегментидан бошланади), шу сабабли упка вентиляцияси етарли хажмда руй бериши мумкин. Орка мия юкорирокдан киркиб куйилганда факат сунъий нафас олдириш йули билан хайвонни улимдан саклаб туриш мумкин.
Орка мия кундалангига тула киркиб куйилгач спинал шок келиб чикади. Спинал шок шундан иборатки, орка миянинг киркиб куйилган жойидан пастрокдаги барча нерв марказларининг кузгалувчанлиги жуда хам пасаяди ва рефлектор функциялари сусаяди. Орка миянинг киркиб куйилган жойидан юкорирокдаги нерв марказлари эса ишлайверади. Масалан, орка мия диафрагма нервининг чиккан жойидан салгина пастрокдан киркиб куйилса, шу жойдан пастдаги нерв марказлари юзага чикарадиган спинал рефлекслар (орка мия рефлекслари) сусаяди. Шу билан бирга диафрагманинг нафас харакатлари давом этаверади. Афтидан, шунинг учун давом этадики, узунчок миядаги нафас маркази диафрагмани иннервацияловчи мотонейронларга ритмик импульслар юборишни давом эттиради. Ит орка мияси буйин сегментларининг рупарасидан киркиб куйилгач, тана ва кул-оёкнинг таъсирланишига жавобан руй берувчи барча харакат рефлекслари йуколади, шунингдек, сийдик чикариш ва дефекация каби рефлектор актлар хам юзага чикмайди, томирларнинг кенгайиши сабабли артериал босим пасайиб кетади, бу, орка миядаги томир харакатлантирувчи марказларнинг шок булиш натижасидир. Операция килинган итда скелет мускулларининг рефлектор кискаришлари бир неча соатдан кейин тиклана бошлайди; артериал босим бир неча кундан кейин нормал даражага келади; сийдик чикариш ва дефекация рефлекслари бир неча хафтадан кейин тикланади; огритувчи таъсиротга жавобан артериал босимнинг кутарилишидан иборат томир торайтирувчи рефлекслар пайдо булади. Худди шунингдек, одамнинг пичокланиши ёки ук тегиши натижасида (теккан ук ёки металл парчалари ва суяк булаклари орка мия каналига кириб кетади) орка мияси узилиб колганда ёки кундалангина кесилганда хам, бир неча хафта ва ойлардан кейин орка миянинг баъзи рефлекслари тикланади.
Шок ходисаларининг огирлиги ва рефлектор функцияларнинг канчалик бузилиши, уларнинг канча давом этиши турли хайвонларда турлича булади. Шок ходисалари одам ва маймунларда якколрок куринади. Масалан, маймун орка мияси кукрак умурткалари рупарасидан киркиб куйилгач, тизза рефлекси бир сутка ва ундан купрок вакт мобайнида юзага чикмайди, холбуки, куёнда бу рефлекс атиги 15 минут юзага чикмай туради. Демак, хайвоннинг марказий нерв системаси канча юкори боскичда турса, орка миянинг рефлектор фаолиятини марказдан контроль килиш механизми ушанча купрок ривожланган булади.
Спинал шок феноменининг мохиятини тушунмок учун иккита фактнинг принципиал ахамияти бор: биринчидан, орка миянинг киркилган жойидан пастрокдаги нерв марказларидагина шок келиб чикади, иккинчидан, орка мия биринчи марта киркиб куйилган жойининг пастрогидан орка мия функцияларининг тикланиш даврида иккинчи марта киркилса, одатда спинал шок ходисалари такрор вужудга келмайди. А.Шварц билан Ч.Шеррингтон шу фактларга асосланиб, спинал шок феноменини марказий нерв системасининг юкорирокдаги булимларидан орка мияга импульслар келмай колиши билан изохлашди. Мия стволининг ретикуляр формациясидаги нейронлардан орка мияга келиб, уни активлаштирувчи импульсларнинг йуколиши спинал шокнинг келиб чикишида катта ахамиятга эгадир.
Спинал шок ходисалари йуколгач, узок вактдан кейин гиперрефлексия кузатилади, яъни рефлектор фаолият кескин даражада кучайиб колади. Масалан, орка мияси шикастланган кишида оммавий рефлекслар деган рефлекслар кайд килинган: бир оёк панжасига таъсир этилганда киши иккала оёгини тортиб олган, унда терлаш, сийдик чикариш ва дефекация рефлекслари юзага чиккан. Орка мия киркиб куйилгач бош миядан тормозловчи таъсирлар келмай колиши, жумладан ретикуляр формациядан орка мияни тормозловчи импульслар келмай куйиши окибатида гиперрефлексия келиб чикади. Тормозловчи таъсирларнинг келмай колишига алокадор эффектлар спинал шок ходисалари секин-аста йуколгандан кейингина юзага чикиши мумкин.