Markaziy Osiyoning tinchligi va farovonligi hamjihatligimizga bog‘liq — Shavkat Mirziyoyev

Markaziy Osiyo va Xitoy davlat rahbarlari onlayn sammit o'tkazdi

Xitoy Respublikasi Prezidenti Si Szinpin, O‘zbekiston Prezidenti Shavkat Mirziyoyev, Qozog‘iston Prezidenti Q. J. To’qayev, Tojikiston Prezidenti Imamali Rahmon, Turkmaniston Prezidenti Gurbanguli Berdimuhamedov va Qirg‘iziston Prezidenti Sadir Japarov ishtirok etgan onlayn uchrashuv tashkil etildi

02 Şubat 2022 13:59
Diplomatik munosabatlar o‘rnatilganining 30 yilligiga bag‘ishlangan Markaziy Osiyo davlatlari va Xitoy Xalq Respublikasi davlat rahbarlarining qo‘shma majlisi onlayn tarzda bo‘lib o‘tdi.
“Markaziy Osiyo – Xitoy” onlayn sammiti Xitoy tashabbusi bilan oʻtkazildi.
Tadbirda Qirg‘iziston Prezidenti Sadir Japarov, Qozog‘iston Prezidenti Qosim-Jo’mart To’qayev, Turkmaniston Prezidenti Gurbanguli Berdimuhamedov, O‘zbekiston Prezidenti Shavkat Mirziyoyev va Tojikiston Prezidenti Imomali Rahmon, shuningdek, Xitoy Xalq Respublikasi Raisi Si Szinpin ishtirok etdi.
Tomonlar Markaziy Osiyo davlatlari va Xitoy o‘rtasidagi keng ko‘lamli hamkorlik, ko‘p qirrali hamkorlikni yanada rivojlantirish yuzasidan fikr almashdilar.
Xitoy rahbari Si Tszinpin so‘nggi 30 yil davomida Xitoy va Markaziy Osiyo o‘rtasida yaxshi munosabatlar rivojlangani, bu xalqaro munosabatlarda namuna bo‘lishini ta’kidladi. Bu muvaffaqiyat siri og‘ir damlarda o‘zaro hurmat, yaxshi qo‘shnichilik va hamjihatlikda ekanini ta’kidladi.
“Xalqaro vaziyat qanday oʻzgarmasin, Xitoy qanchalik rivojlangan boʻlmasin, biz Markaziy Osiyo davlatlari tayanishi mumkin boʻlgan yaxshi qoʻshni, hamkor va qardosh davlat boʻlib qolamiz”, - dedi u.
Uning so‘zlariga ko‘ra, so‘nggi 30 yilda Xitoy va Markaziy Osiyo o‘rtasidagi tovar ayirboshlash hajmi 100 barobar oshgan, Pekinning mintaqaga kiritgan to‘g‘ridan-to‘g‘ri sarmoyasi 14 milliard dollarga yetgan.
O‘z navbatida, u Markaziy Osiyoda xorijiy kuchlarning davlat to‘ntarishiga qarshi ekanini aytdi.
“Xitoy Qozogʻistonning barqarorlikni taʼminlash va zoʻravonlikka chek qoʻyish borasidagi saʼy-harakatlarini qoʻllab-quvvatlaydi va qoʻllab-quvvatlashda davom etadi”, - dedi u.
Sh. Mirziyoyev Xitoy va mintaqa davlatlari oʻrtasidagi hamkorlikni rivojlantirish va bu davlatlar oʻrtasida toʻsiqsiz savdo-sanoat hamkorligini rivojlantirishga qaratilgan “Xitoy-Markaziy Osiyo” iqtisodiy hamkorligining yangi strategiyasini tayyorlashni, shuningdek, O‘zbekiston Prezidenti Mirziyoyev 2022-yilni “Xitoy va Markaziy Osiyo xalqlari madaniyati va san’ati yili” deb e’lon qilishni va shu doirada turli madaniy, sport va boshqa tadbirlarni tashkil etishni taklif qilgan