Маркетинг мухити

Даромад ва янги иқтисодий шарт-шароитлар. Истеъмолчи бошига даромад миқдори жамиятнинг бойлигини кўрсатади. АҚШ да 2000 йилга бориб 25 млн.дан ортиқ оила йилига $ 50 000 ишлаб топадиган бўлади. Бу эса 1985 йилдагига нисбатан 100% ўсишдир. Бойликнинг кўпайиши эса аввало маҳсулотлар сифатига эътибор юқори бўлиши ва хизматларга талабнинг ошишига олиб келади.
Ўзбекистонда эса аҳоли даромадларида секин ўсиш кузатилмоқда, 2002 йилда жон бошига тўғри келадиган харид қуввати билан белгиланган Ялпи Миллий Даромад 2360 АҚШ долларига тенгдир. (АҚШ да бу кўрсаткич $ 34100, Германияда - $24920, Буюк Британия - $23550, Люксембург - $ 45470, Швейцария - $ 30450, Россия - $8010, Сальвадор - $4036). Жон бошига тўғри келадиган Ялпи Ички Маҳсулот йилига 2,5-2,8%га ошмоқда. Аҳоли даромадаларининг асосий қисми, яъни ўтача олганда 36,7% расимй иш жойидаги иш ҳақидан, 25,8% и тадбиркорлик фаолиятидан, 16,5% шахсий ва деҳқончилик тармоқларидан, 12,5% пенсия, пособия, степендиялар ҳисобидан, 0,3% шахсий мулкдан даромад сифатида келади ахоли даромадлари ўртасидаги контраст жуда юқоридир, Джинни коэффициенти 0,4 га тенгдир.
Инфляция. Инфляция нархлар умумий даражасининг ўсиб боришидир. Юқори инфляция даражаси иқтисодга жуда салбий таъсир кўрсатади. Инфляция натижасида истеъмолчилар сотиб олинадиган маҳсулотлар учун борган сайин кўпроқ пул тўлашга мажбур бўладилар ва нарх ўсиши асосан талабнинг пасайишига олиб келади. Буни 2.2-жадвалда АҚШда 3%лик инфляция оқибатларида кузатиш мумкин.
Жадвал 2.2. Инфляция натижалари (АҚШ долларида)

Й ИЛ	«Форд Мустанг» нархи	Мехмонхонада бир кеча туриш нархи	«Диснейленд»га кириш билети нархи
1994 2002	13 585 15 290	136 153	32 36