Маъруза №10 т у г м а з а Х м

ТУГМА ЗАХМНИНГ ЭРТА БОЛАЛИК ДАВРИ
Тугма захмнинг эрта болалик даври асосан 1 ёшдан 4 ёшгача булган даврни уз ичига олади. Бу давр мобайнида касалланган боланинг тери ва шиллик каватларида тугунчасимон тошмалар тошади. Тошмалар асосан огиз, шиллик каватида, тилида, каттик ва юмшок танглайда, томок бодомча безларида, овоз бойламларида, жинсий аъзолари терисида ва улар атрофида учрайди. Тугунчали тошмалар бир-бирлари билан кушилиши натижасида кенг сатхли тугунчаларга кенг кондиломаларга айланади. Кейинчалик улар сатхи купинча шилиниб ярасимон холга келади, бу пайитда кенг тугунчалар сатхидаги тукима суюклигидан ок сперохеталар топилади. Шунинг учун хам захм бу даврда юкумли булади. Бу даврда тошмаларнинг куриниши ва кечиши купинча захмнинг орттирилган иккиламчи даврини эслатади.
Суякларнинг зарарланиши суяк сиртини огрикли шишиши, яллигланиши шаклида кам учрасада, амма уларни зарарланиши тугунчалар шаклида кечади. М.С.Зильберштеейн ва Б.М.Пашковларнинг маълуцмотига караганда суякнинг зарарланиши бу даврда 60%гача учраши мумкин. Ички аъзолардан жигарни, талокни зарарланиши уларнинг тузилишини ва уларни вазифасини бузилишига сабаб булиб, огир асоратларга олиб келади. Касалланган болаларда марказий асаб аъзоларининг касалланиши боланинг тез чарчаб колиши, аклан колоклиги, хар-хил титрок ва тутканок сингари белгилар билан ифодаланади. Айрим холларда эса куриш аъзосининг асаб толасининг ингичкалашиши (атрофияланади), шох парда томирларини зарарланиши (хориоретинитлар) куриш кобилиятини уткирлигини камайишига еки йуколишга олиб келади.
Шундай килиб, тугма захмни бу даврининг кечиши захмнинг орттирилган иккиламчи даврини эслатади, захмнинг кукрак даврига нисбатан енгилрок кечади ва касаллик диагнози асосан кондаги кузатиладиган серологик реакциялар0 оркали тасдикланади.

КЕЧКИ ТУГМА ЗАХМ

Тугма захмнинг клиник белгилари 4-15 ёшлари орасида ёки ундан кейин куринади, уларни купчилиги биринчи марта намоён булади. Кечки тугма захм уз куриниши билан орттирилган учламчи захмни эслатади, чунки бу дарда хам худди учламчи захмдагидек тери шиллик каватлари, ички аъзолари, суяк мускул ва асаб аъзолари думбокчали, тугунчали шаклда зарарланишга учрайди. Бундай зарарланиш тана аъзоларини уз тузилишини ва вазифасини бузилишига олиб келади, айрим холларда орка миянинг куриши, кучайиб борувчи шоллик каби иллатлар кузатилади.
Кечки тугма захм юкорида айтиб утилганлардан ташкари узига хос белгилари билан кечади. Бундай белгиларни куриниши, бекарорлиги ва хусусиятлигига караб учга булинади. Биринчиси кечки тугма захмнинг факат узига хос булганлиги учун 1) баркарор (кеч тугма захмга хос) белгилар деб аталади. Иккинчи туркум белгиларни 2) бекарор белгилар деб аталиб чунки бу белгилар нафакат тугма захмда балки бошка касалликларда хам учрайди. Учинчи белгилар 3) дистрофиялар еки стигмалар, бу блгилар хам бошка хасталикларда хам учрагани учун бир нечтаси мужассам холда учрагандагина ва лаборатория текширишлари асосида текширилгандагина захм касаллигига хослиги тасдикланади. Баркарор белгиларга Гетчинсон учлиги киради, яъни кузнинг уткир яллигланиши (паренхиматоз кератит), эшитув чиганогининг яллигланиши (сифилитик лабиринитит) ва Гетчинсон тишларидир. Кузнинг уткир яллигланиши куйидагича кечади: куз шиллик кавати кизаради, шох кавати секин-аста хиралаша бошлайди, касалларда ёругдан кочиш, куздан ёш окиш аломатлари куринади. Агарда куздан ажралаетган суюклик текширилса, унинг таркибида ок сперохеталар топилади. Бу холат секин-аста кузни куриш кобилиятини сусайтиради ва кейинчалик куз уз куриш кобилиятини йукотади. Эшитув чиганогининг яллигланиши ва эшитув асаб толасининг дистрофияси натижасида иккала кулокда кулокнинг шангиллаши, кейинчалик эшитишни сусайишига еки уни йуколишига олиб келади. Шуни айтиш керакки агар болаларда сузлаш кобилияти шакилланган булсаю, кейинчалик эшитиш кобилиятини сусайиши ва уни йуколиши кузатилса у холда касал болада факат эшитмайди. Агарда бу пайтга келиб сузлаш кобилияти шакилланмаган булса, у холда факат ёмон эшитиши ёки карлик эмас, балки ундан хам уткир фожиали асорат кар ва соковлик асорати кузатилади. Гетченсон тишларида асосан юкориги урта киркиш тишларининг куриниши хум шаклида булиб чайнаш юзасида ярим ойсимон шаклда ботик пайдо булади. Тишлар улчамини хар-хиллиги, улар орасидаги масофанинг катталиги жихатидан хам ажралиб туради.
Кечки захмнинг бекарор белгиларига киличсимон болдир, Робинзон-Фурньенинг шуласимон чандиглари, тишларнинг дистрофияси, думбасимон калла, эгарсимон бурун , бугинларни яллигланиши (гонитлар), ва захмнинг асаб аъзоларига таъсири киради.
Болдир суякларининг олдинга караб киличсимон шаклида кийшайишини купинча муаллифлар захмни кукрак даврида утказган суяк усишини бузилишидан кейинги асорат деб айтадилар. Киличсимон болдир бошка касалликларда хам учрайди, масалан: рахит касаллигида лекин захм касаллигидан фаркли уларок суяк узгариши рахит касаллигида олдинга караб эмас ён томонга караб эгилган булиб «О» харфини эслатади.
Робинзон-Фурньенинг шуласимон чандиклари асосан захмнинг кукрак давридаги Гохзингернинг таркок холдаги тугунчасимон катталашиши белгисидан колган асорат хисобланиб, дахан, лаб, огиз атрофида шуласимон шаклда жойлашади. Бу чандиглар бошка касалликлардан кейин хам асорат тарзида колиши мумкин, масалан йирингли яралардан, куйишдан, ачиткили-замбуругли касалликлардан кейин, лекин бу белгилар захмга хосми ёки хос эмасми лаборатория текширишлари курсатади.
Тишларда буладиган узгаришлар асосан жаг тишларининг биринчи каторида кузатилади, тишнинг чайнаш юзасидаги думбогча яссиланган булиб, унинг сатхи тиш буйнига нисбатан ингичка булади. Бундай тиш чуртан балик тишини эслатган учун «чуртан» ёки балик тиши деб аталади. Яна шундай узгаришлардан бири юкоридаги жаг тишларининг ён кисмида ортикча думбогча булишидир (Корабелли думбогчаси).
Калла суягининг иккала пешона дунги олдинга караб буртиб чикса ва улар орасида оралик чукурлик пайдо булса, бундай узгаришга думбасимон пешона дейилади. Бу белги захмнинг биринчи ойларида шакилланади, рахит касаллигида эса худди шунга ухшаш узгариш кузатилиши мумкин булиб, у асосан 2 ёшдан кейин кузатилади.
Захм касаллиги кузнинг шох, тур пардалари ва куриш асаб толасини зарарланишига олиб келади. Кузнинг тубида худди «туз ва муруч» шаклида догчалар хосил булади, буни догсимон хориоретинитлар деб аталади. Хориоретинит сил касаллигида хам кузатилгани учун бу белги захмнинг бекарор белгиларига киради.
Кечик тугма захмнинг бекарор белгиларидан яна бири бу бугинларнинг шикастланиши яъни гонитлардир. Бугинларни шикастланиши тогай ва суяк бошларининг вазифасини бузмай, хароратсиз, огирксиз холда узок вакт давом этади. Бугиннинг хажми катталашади, шишади унинг харакатчанлиги эса сусаяди. Асосан тизза, билак, тупуг суякларнинг бугинлари шикастланади.
Бурун дунги тогайининг ва суяк тизилишининг тугунли тарзида зарарланиши ва емирилиши натижасида бурун чукиб эгарсимон ёки «эчки бурун» шаклини олади.
Кеч тугма захм марказий асаб аъзоларини зарарланишига хам олиб келади ва тана фалажи, тана шоллиги , сузлашиш кобилиятини бузилиши, аклни пасайиши, Джексон тутканоги (эпилепсияси) тарзида кечади.
Кеч тугма захмнинг яна бир белгиси дистрофиялардир. Бундай етишмаслик белгилари асосан моддалар алмашинувини бузилиши, ички секреция безлари фаолиятини бузилиши, марказий асаб ва юрак кон-томир тизми фаолиятини издан чикиши натижасида келиб чикади. Уларнинг шакилланиши куп холларда болаликнинг эрта давридан бошланади. Етишмаслик белгиларига куйидагилар киради: 1) Авситидия белгиси–бу асосан унг тарафдаги умров суягининг туш суяги билан туташ ерини катталанишидир. 2)Калла суягини шакилланиши бузилиши калланинг пешана ва тепа дунгининг катталашишига олиб келади, натижада «олимпия пешонаси» га ухшаш дунглик хосил булади. 3) Митти жимжилок .4)Юкори ёки «найзасимон» танглай. 5) Туш суягининг найзасимон кисмини булмаслиги (ёки ичкарига караб усиши) – аксефойдея. 6)Юкори кесиш тишлари орасидаги масофанинг катталиги. 7)Карабелли думбоги – бу биринчи юкори жаг тишининг юзасида кушимча бешинчи думбог хосил булишидир. 8)Гипертрихоз – яъни хам угил хам киз болаларнинг пешона кисмида тукларининг эрта усиши кузатилади ва кейинчалик кошгача пшона кисми соч билан копланади.
Юкорида айтиб утилган дистрофик белгиларнинг айримлари эмас балки бир нечтаси бир пайтда кузатилса, у холда захмнинг бошка белгиларини ва касаллик тарихини хисобга олиб захм хакидаги диагноз тулдирилади ва серологик реакциялар билан тасдикланади.