Mа’ruzа №3. O’zgаrmаs tоk gеnеrаtоri to’g’risidа umumiy tushunchаlаr. O’zgаrmаs tоk gеnеrаtоrlаrini qo’zg’аtish usullаri vа uning аsоsiy хаrаktеristikаlаri. Reja

Rostlash xarakteristikasi. Yakorning aylanish chastotasi n_N=const va yakorning kuchlanishi U_N=const bo‘lganida I_qo¢z=f (I_a) bog‘liqlik – generaratorning rostlash xarakteristikasini ifodalaydi.

5-rasm. Mustaqil qo’zg’atishli o’zgarmas tok generatorining tashqi (а) va rostlash (b) xarakteristikalari
Bu xarakteristikani, yuklama tokini kamaytirib olingan hol uchun ko‘rib chiqamiz. (5) formulaga asosan, agar qo‘zg‘atish toki I_qo¢z ning qiymatini o‘zgartirmay qoldirilsa, yuklama toki I_a ning kamayishi tufayli yakor reaksiyasining kuchsizlanishi va IaRa ning kamayishi sababli, generatorning chiqish klemmalaridagi kuchlanish miqdori oshadi. Lekin, shartga ko‘ra, U_a=U_N=const bo‘lishi kerak, shu maqsadda, rostlash xarakteristikasini olayotgan paytda qo‘zg‘atish toki Iqo¢z ni kamaytirib borish lozim bo‘ladi (5, b-rasm). Tajribada rostlash xarakteristikasining ikkita shoxobchasini, ya’ni yuklama toki I_a ni 0£I_a£I_N oraliqda tobora oshirib (1-shoxobcha), so‘ngra, tok I_a ni I_N qiymatidan asta-sekin 0 gacha kamaytirib (2-shoxobcha) olinadi. Bunda 1-shoxobcha ikkinchiga nisbatan yuqorida joylashadi. Bunga sabab: 1-shoxobchani olishda yuklama toki I_a ning qiymati I_N gacha oshganda bir vaqtning o‘zida qo‘zg‘atish toki I_qo¢z ham oshiriladi. Bu esa, magnit zanjirining po‘lat qismlarida Фqol ning nisbatan ko‘payishiga olib keladi, natijada xarakteristikaning 2-shoxobchasini olganda U_a= U_N= const bo‘lishi uchun kamroq qo‘zg‘atish magnit oqimi (demak, kamroq qo‘zg‘atish toki) talab qilinadi. Bu ikkala shoxobchaning o‘rtasidan o‘tkazilgan punktir chiziq rostlash xarakteristikasi uchun qabul qilinadi (5,b-rasm).
Shuni ta’kidlash kerakki, rostlash xarakteristikasi, yuklama tokini o‘zgartirganda generatorning kuchlanishini o‘zgartirmay saqlab turish maqsadida, qo‘zg‘atish tokini rostlash qonuniyatini ifodalaydi. Masalan, yuklama tokini oshirganda generator kuchlanishining nominal qiymati U_N ga nisbatan kamayishini bartaraf etish, ya’ni kuchlanishni U_N=const qilib saqlash uchun qo‘zg‘atish toki I_qo¢z ni bir oz oshirish kerak bo‘ladi.
Parallel qo‘zg‘atishli o‘zgarmas tok generatorining o‘z-o‘zini qo‘zg‘atishi va normal rejimdagi xarakteristikalari. Parallel qo‘zg‘atishli generatorlarning o‘z-o‘zini qo‘zg‘atishi (demak, qo‘zg‘atish uchun alohida O‘T manbai talab qilinmasligi) hamda normal yuklamada turg‘un kuchlanish berishi sababli ular amalda keng qo‘llaniladi.