Машғулот №1

Шприц ёрдамида антибиотикларни эритиш кетма-кетлиги:
1)Флакондаги ёзувни ўқинг (номи, санаси, сақлаш муддати);
2)Пинцет билан флакон устидаги алюмин қопқоқни очинг;
3)Резинали қопқоқни спирт билан тозаланг
4)Шприцга керакли миқдордаги эритмани тортинг.
5)Флаконни чап қўл билан олинг ва унга эритмани юборинг;
6)Флаконни игна билан бирга олинг ва эритма порошок билан тўлиқ аралашгунга қадар силкитиб аралаштиринг
7)Шприцни игнасини флаконга ярим конус холда жойлаштиринг;
8)Флакондаги бор дорининг; барчасини яна бир қисмини шприцга тортинг;
9)Игнани флакон билан бирга конусдан олинг (игнани чиқариб ташламанг, у бошка флаконда пенициллин аралаштириш учун керак бўлади).
10)Игнани шприцга кийдиринг ва мушак ичи инъекциясига тайёрланг
11)Игнадан эритмани ўтказишни текширинг. Озроқ эритмани игнадан чиқариб кўринг.
Инъекция асоратлари
Ҳамшира ҳар қандай инъекция ўтқазиш қоидаларига риоя қилиши керак. Чунки, кўплаб инъекциялардан келиб чиқувчи асоратлар (аллергик реакциялардан ташқари) ҳамшираларнинг асептика қоидаларига ва шароитга риоя қилмаганликларидан келиб чиқади.
Инфильтрат -кўпинча тери ости ва мушак ичи инъекцияларнинг кейин келиб чиқувчи асоратдир. Кўпинча инфильтрат ўтмас игнадан фойдаланганда ,шунингдек агар (игна калта бўлиб) мушак, тери ичи, тери ости ва вена ичи инъекциялари учун мўлжалланган катта игна мушак ичи инъекциясида қўлланилса хам келиб чиқади. Чунки катта игна орқали юборилган дори мушак ичига бормасдан, тўқималарнинг кимёвий таъсирланишига олиб келади. Бунда дори жуда ҳам секин сўрилади ва оқибатда инфильтрат ҳосил бўлади. Инъекция қилинган жойини аниқ қопламаганлик ва хар доим бир жойга тез-тез инъекция қилиш хам инфильтрат ҳосил бўлишининг сабабалридан ҳисобланади. Инфильтратларнинг профилактикаси уларни ҳосил бўлишига олиб келувчи сабабаларга йўл қуймаслик.
Абцесс-инъекциядан кейин юмшоқ тўқималарнинг йиринглашиши ва устидан пиоген мембрана билан қопланиши, бошқа тўқималарни ажралиб колиши. Абцесс келиб чиқиш сабаблари хам инфильтратники каби, фақат бунда яна асептика қоидаларига риоя килмаслик хам киради.
Профилактикаси: барча асептика қоидаларига риоя килиш.
Игнанинг синиш- Инъекция вақтида эски ёки ишлатилган игнадан фойдаланганда ва яна думба мушакларининг бирдан тез қискаришида вужудга келади.