Mavzu: 2022-2026-yillarga mo‘ljallangan Yangi O‘zbekistonning Taraqqiyot strategiyasi. Reja: I. Kirish b. II. Asosiy qism b

Mavzu: 2022-2026-yillarga mo‘ljallangan Yangi O‘zbekistonning Taraqqiyot strategiyasi.
Reja:
I. Kirish…………………………………………………………………………2-4 b.
II. Asosiy qism…………………………………………………………………5-36 b.
I bob. Demokratik davlat barpo etish - asosiy maqsad……………………………5-20 b.
1.1. Xalqparvar davlat, adolat va qonun ustuvorligi – xalqparvar davlat poydevori………………………………………………………………………..5-13 b.
1.2. Milliy iqtisodiyotni rivojlantirish…………………………………………14-20 b.
II bob. Aholi farovonligi va xavfsialigi eng ustuvor vazifalar…………………..21-36 b.
2.1. Adolatli ijtimoiy siyosat, ma’naviy taraqqiyot……………………………21-27 b.
2.2. O‘zbekiston va umumbashariy muammolar, xavfsizlik va tashqi siyosat………………………………………………………………………….28-36 b.
III. Xulosa………………………………………………………………………...37 b.
IV. Foydalanilgan adabiyotlar ro‘yxati…………………………………….38-39 b.
Kirish
Mavzuning dolzarbligi. Yangi O‘zbekistonni barpo etish - bu shunchaki xohish istak, subyektiv hodisa emas, balki tub tarixiy asoslarga ega bo‘lgan, mamlakatimizdagi mavjud siyosiy-huquqiy, ijtimoiy-iqtisodiy, ma’naviy-ma’rifiy vaziyatning o‘zi taqozo etayotgan, xalqimizning asriy orzu-intilishlariga mos, uning milliy manfaatlariga to‘la javob beradigan obyektiv zaruratdir. Biz bu yo‘lda islohotlarimizning asosiy harakatlantiruvchi kuchi bo‘lgan jamiyatimiz a’zolarining bilim va salohiyati, kuch va imkoniyatlarini, butun azm-u shijoatimizni ishga solishimiz lozim. Shundagina mamlakatimiz xalqimiz orzu qilgan, jahon maydonida kuchli salohiyat, munosib obro‘-e’tiborga ega bo‘lgan, har tomonlama obod va farovon davlatga aylanadi. Mamlakatimizda kechayotgan keng ko‘lamli yangilanish jarayonlari bilan uzviy bog‘liq bo‘lgan dolzarb masalalar va ularning yechimiga doir vazifalarni to‘g‘ri anglash nihoyatda muhim ahamiyatga ega. Mamlakatimiz rivojlanishning yangi davrida amalga oshiriladigan islohotlarning ustuvor yo‘nalishlari quyidagilardan iborat :
birinchi - erkin fuqarolik jamiyatini rivojlantirish va inson qadrini yuksaltirish orqali xalqparvar davlat barpo etish;
ikkinchi - mamlakatimizda adolat va qonun ustuvorligi tamoyillarini taraqqiyotning eng asosiy va zarur shartiga aylantirish;
uchinchi - milliy iqtisodiyotni, uning o‘sish sur’atlarini zamon talablari darajasida rivojlantirish;
to‘rtinchi - adolatli ijtimoiy siyosat yuritish, inson kapitalini rivojlantirish;
beshinchi - ma’naviy taraqqiyotni ta’minlash, ushbu sohani tubdan isloh etish va yangi bosqichga olib chiqish;
oltinchi - bugungi kunda insoniyat, xalqimiz duch kelayotgan umumbashariy muammolarga o‘z milliy manfaatlarimizdan kelib chiqqan holda yechim topish;
yettinchi - mamlakatimiz xavfsizligi va mudofaa salohiyatini kuchaytirish, ochiq va pragmatik, faol tashqi siyosat olib boorish.