Mavzu: Davlat boshqaruvi tushunchasi. Reja: Davlat boshqaruvi va ularning turlari

oltinchidan, davlat xizmatchisi aksariyat hollarda yuridik oqibatlarni keltirib chiqaruvchi harakatlarni amalga oshiradilar (masalan, boshqaruv qarorlarini qabul qiladilar, jazoga tortadilar). Bunday harakatlar yuridik faktlar sifatida namoyon bo`lishi mumkin. Davlat xizmatchilarining bunday harakatlari davlat va jamiyat hayotida turli ijtimoiy munosabatlarni vujudga keltirishi, o`zgartirishi yoki bekor qilishi mumkin;
yettinchidan, davlat xizmatchilarining faoliyati, qoida bo`yicha ishlab chiqarish xususiyatiga ega emas. Lekin ularning faoliyati umuman ishlab chiqarish bilan bog`liq emas, degan xulosaga kelmaslik lozim. Chunki, davlat xizmatchilari ishlab chiqarish jarayoniga uni yo`naltirish, boshqarish, loyihalarni tayyorlash va boshqa funksiyalar orqali ta'sir ko`rsatadi.
Davlat xizmatchilari o`z faoliyatlari orqali insonlar ongiga, iqtisodiy hayotga, ishlab chiqarishning texnologik jarayoniga, mehnat jamoalarini tashkil etilishi va faoliyat yuritishiga ta'sir ko`rsatadi.
Barcha davlat xizmatchilarini turli asoslarga ko`ra guruhlarga bo`lishimiz, ya'ni tasniflashimiz mumkin. O`zbekiston Respublikasi Konstitutsiyasidan kelib chiqqan holda, ya'ni hokimiyatning uchga bo`linishini e'tiborga oladigan bo`lsak, barcha davlat xizmatchilarni uch guruhga bo`lishimiz mumkin:
birinchidan, qonunchilik hokimiyati organlarining xizmatchilari. Bizga ma'lumki O`zbekiston Respublikasida qonunchilik hokimiyati O`zbekiston Respublikasi Oliy Majlisi tomonidan amalga oshiriladi. O`zbekiston Respublikasi Konstitutsiyasining 76-moddasiga binoan O`zbekiston Respublikasi Oliy Majlisi oliy davlat vakillik organi bo`lib, qonun chiqaruvchi hokimiyatni amalga oshiradi.
O`zbekiston Respublikasi Oliy Majlisi ikki palatadan - Qonunchilik palatasi (quyi palata) va Senatdan (yuqori palata) iborat;
ikkinchidan, ijro hokimiyati organlarining xizmatchilari. Davlat va uning apparatining funksiyalanishi ijro hokimiyati organlari tomonidan amalga oshiriladi. Ijro hokimiyati organlari tashkiliy-boshqaruv va ijro-farmoyish berish faoliyatini amalga oshiradi;
uchinchidan, sud hokimiyati organlarining xizmatchilari. O`zbekiston Respublikasi Konstitutsiyasining 107-moddasiga binoan O`zbekiston Respublikasining sud tizimi besh yil muddatga saylanadigan O`zbekiston Respublikasining Konstitutsiyaviy sudi, O`zbekiston Respublikasi Oliy sudi va Oliy xo`jalik sudi, Qoraqalpog`iston Respublikasining Oliy sudi va xo`jalik sudidan, viloyat sudlari, Toshkent shahar sudi, tuman, shahar va xo`jalik sudlaridan iborat.
Davlat xizmatchilarining tasnifi yuridik adabiyotlarda turlicha berilgan. Jumladan, huquqshunos olim D.M. Ovsyankoning fikricha davlat xizmatchilarini quyidagilarga bo`lish mumkin:

1.