Айрим намоёндалари
Пироузум кислота (2-оксопропан кислота, кетопропион кислота) СН3С(О)СООН. 1650С ҳароратда қайнайдиган, рангсиз суюқлик, сувда, спиртда, эфирда яхши эрийди. Биринчи марта узум кислотани пиролиз қилиб, олинган (388 бет).
Пироузум кислота тирик организмлардаги углевод ва оқсилларнинг алмашинувида оралиқ маҳсулот ҳисобланади. У углеводларнинг кислотали ва спиртли бижғишида ҳам ҳосил бўлади.
Пироузум кислотанинг тузлари, эфирлари пируватлар деб юритилади. У баъзи дори воситаларини (масалан, атофан) ишлаб чиқаришда ишлатилади.
Оксалат сирка кислота (2-оксобутандикислота, кетоқаҳрабо кислота) НООСС(О)СН2СООН. Бу кислота бир вақтда α- ва β-кетокислота ҳисобланади, икки асосли кетонокислоталарнинг намоёндаси. У олма кислота оксидланганда ҳосил бўладиган нормал модда алмашинуви маҳсулоти бўлиб, углеводларнинг парчаланишида муҳим роль ўйнайди. Унга кето-енол таутомерия ҳос бўлиб, у асосан енол шаклида бўлади.
α-Кетоглутар кислота (2-оксопентандикислота) НООССН2СН2С(О)СООН. Сувда, этанолда эрийдиган оқ рангли кристалл модда. У углеводларнинг организмда парчаланишида оралиқ маҳсулот сифатида ҳосил бўлади.
Do'stlaringiz bilan baham: |
