Мавзу: Оксокислоталарнинг реакцион қобилияти

Ацетосирка эфирнинг кимёвий хоссалари. Ацетосирка эфир икки таутомер шаклда бўлгани учун кетон ҳамда енолларга хос бўлган кимёвий реакцияларга киришади. Бундан ташқари, у ўзига хос бўлган – парчаланиш реакцияларини беради.

Кето шаклига борадиган реакциялар. Ацетосирка эфир таркибида кетон гуруҳи бўлгани учун кетонларга хос бўлган – нуклеофил бирикиш, бирикиш-ажралиш, реакцияларига киришади.



Енол шакли ҳисобига борадиган реакциялар.

А) Ацетосирка эфирга актив металлар (Na ёки К) ёки металл алкоголятлари таъсир эттирилганда енолятлар ҳосил бўлади.

Натрий ацетосирка эфир (натрий енолят) таркибида икки ёқлама реакцион қобилиятга эга бўлган амбидент анион мавжуд. Ушбу анионни шундай резонанс структур билан ифодалаш мумкин.

Шунинг учун реакциялар ацетосирка эфирга таъсир эттирилаётган реагентнинг табиатига, реакция шароитига кўра, углерод ёки кислород атомлари бўйича бориши мумкин.

Икки ёклама реакцион қобилиятга эга бўлган ацетосирка эфири анионида кислород атоми “қаттиқ”, углерод атоми “юмшоқ” марказ ҳисобланади. Шунинг учун “қаттиқ” кислоталар, масалан, ацил гуруҳ (R−C⁺=O) кислород атомига, “юмшоқ” кислоталар, масалан, R−CН₂⁺ углерод атомига боради.



В) Ацетосирка эфирга бромли сув таъсир эттирилганда сариқ рангли бромли сув тезда рангсизланади. Бу реакция ацетосирка эфир молекуласида қўш боғ бор эканлигини тасдиқлайди.

С) Ацетосирка эфир енол шаклида спирт гидроксили бўйича кимёвий хоссаларни беради.

Ацетосирка эфирнинг ўзи хос хоссалари. Ацетосирка эфирга хос бўлган реакциялардан бири унинг парчаланиш реакцияларидир.

Ацетосирка эфир ва унинг моно- ёки диалкил ҳосилалари суюлтирилган кислота ёки ишқорлар иштирокида қиздирилса, этил спирт ва кетонга парчаланади ва бу реакция кетонли парчаланиш деб юритилади.

Концентрланган ишқор эритмаси таъсирида ацетосирка эфир таркибидаги мураккаб эфир парчаланиб, С₂ ва С₃ углерод-углерод боғлари узилиб, кислота тузлари ҳосил бўлади. Бу реакция кислотали парчаланиш деб аталади.

Ацетосирка эфир органик синтезда кенг қўлланилади. Унинг ёрдамида ҳар хил метилкетонлар, бир ва икки асосли кислоталар, дикетонлар, гетероҳалқали бирикмаларни олиш мумкин. Ацетосирка эфир асосидаги синтезлар асосан унинг СН-кислотали хоссасига ва кислотали, ёки кетонча парчаланиш реакцияларига асосланган. Қуйида шу синтезларга мисол келтирамиз.

Ацетосирка эфир ёрдамида кислоталарни олиш. Кислота ёки кетонларни ацетосирка мэфир асосида олиш учун ацетосирка эфирга натрий ёки натрий алкоголят таъсир эттирилади.

Ҳосил бўлган енолятга галоген ҳосила таъсир эттирилади.

Концентрланган ишқор эритмаси таъсирида этилацетосирка эфир парчаланиб, натрий бутират ҳосил бўлади.

Натрий бутиратга минерал кислоталар таъсир эттирилганда мой кислота ажралиб чиқади..

Ацетосирка эфир асосида кетон олиш учун унга худди юқоридагидек натрий ёки натрий алкоголят таъсир эттирилади, сўнгра алкилланади ва суюлтирилган кислота (ёки ишқорлар) иштирокида қиздирилади, кетон ҳосил бўлади.





Агар алкилловчи реагент сифатида дигалоген ҳосилалар олинса, дикетон ёки икки асосли кислоталарни олиш мумкин.

Ацетосирка эфирдан диалкил ацетосирка эфирни синтез қилиб, уни кетонча парчалаб, тармоқланган, метилкетонларни, диалкил ацетосирка эфирни кислотали парчалаб, чизиқли ва тармоқланган кислоталарни олиш мумкин.