Мавзу: Оксокислоталарнинг реакцион қобилияти

Оксокислоталар
Таркибида карбонил гуруҳ (альдегид ёки кетон) сақлаган карбон кислота ҳосилаларига оксокислоталар ёки оксокарбон кислоталар дейилади.
Улар таркибидаги карбонил гуруҳ табиатига кўра альдегидокислота ва кетонокислоталарга бўлинади.

Молекуласида альдегид ҳамда карбоксил гуруҳлари бўлган органик бирикмалар альдегидокислоталар, кетон ва карбоксил гурухлар сақлаган бирикмалар кетонокислоталар деб аталади.

Оксокислоталар карбоксил сонига кўра бир ва икки асосли, карбонил гуруҳнинг карбоксил гуруҳга нисбатан жойлашишига қараб, α-, β-, γ-ва ҳоказо оксокислоталарга туркумланади.

Номенклатура
Оксокарбон кислоталар асосан эмпирик ном бўйича юритилади – глиоксал, пироузум, оксалатсирка, левулин ва ҳоказо). Уларни номлашда тривиал ва халқаро ўринбосарли номенклатуралар ҳам ишлатилади.

Халқаро ўринбосарли номенклатура бўйича номлашда карбонил гуруҳнинг ҳолати рақамлар билан ифодаланиб, тегишли кислотанинг систематик номининг олдига оксо- олд қўшимчаси қўшиб айтилади.

Альдегидокислоталар:

Кетонокислоталар:

Тривиал номенклатура бўйича альдегидокислоталарни номлашда кислотанинг номи олдига формил-, кетонокислоталарни аташда эса кето- олди қўшимчаси қўшиб номланади.

Изомерия
Оксокарбон кислоталарда тузилиш (ҳолат, занжир, функционал гуруҳ бўйича) изомерияси кузатилади.


Олиниш усуллари
Баъзи оксокислоталар табиатда кенг тарқалган. Масалан, глиоксал кислота пишиб етилмаган мевалар таркибида учрайди. Аммо оксокислоталарнинг олишнинг синтетик усуллари ҳам мавжуд.

Оксикислоталар оксикислоталар, гликолларни оксидлаб (1,2-реакциялар), геминалдигалоген кислоталарни, оксинитрилларни гидролизлаб гтдролизлаб олинали.