Мавзу: ҚЎшинлар ичида эпидемияга қарши чора- тадбирларни ўтказишнинг мазмуни ҳарбий эпидемиология

Уруш тарихидан маълумки, қўшинлар ичига хар хил юқумли 
касалликларнинг асосан кириб келиш йўллари қуйидаги 
холатларда вужудга келади :

---

1. Ҳарбий қисмларга янги хизматчиларнинг келиши; 
2. Душман томонидан асирга тушганлар; 
3. Ҳарбий хизматчиларнинг ҳудуддаги одамлар билан мулоқотда 
бўлиши оқибатида вужудга келади. Шу сабабли, статистик таҳлил 
ларга кўра вирусли касалликлар билан касалликлар биринчи ўринда 
бўлиб, 60-70%ни ташкил этади.
Стреккокок инфекциялари (ангина, ревматизм, нефрит ва 
бошқалар) иккинчи ўринда бўлиб, 15-30% ни ташкил этади. 
Стафилокок касалликлари 10-15% ни ташкил этиб, учинчи ўринда 
туради. Сил касалиги хам 0.2-2% ни ташкил этади.
Бўлардан ташқари табиий ўчоқларга эга бўлган юқумли касалликлар 
мухим ахамият касб этиб ( куйдирги, безгак) бактериологик қурол 
сифатида оммавий қирғин қуроллари ишлатилганда уларнинг тарқалиш 
хусусиятлари ўзига ҳос равишда кечади. 
Ҳарбий қисмларда эпидемияга қарши чора тадбирларни ташкил этиш 
тиббиѐт хизмати ходимларининг асосий вазифаси бўлиб хисобланиб, 
буйруқ асосида амалга оширилади. 
Тартибли – чекловчи тадбирлар – бу ҳарбийларни эпидемиядан сақлаш
мақсадида уларнинг харакатларини тартибга солувчи ва чегаралаб 
турувчи тадбирлардир. Бу турдаги чора-тадбирлар ҳарбийлар орасида 
юқумли касалликлар тарқалиши ѐки четдан олиб кириш хавфи 
туғилганда, хамда касалликни ҳарбий қисм худудидан четга 
тарқалишини олдини олиш мақсадида ўтказилади. 
Бу тадбирларнинг канча вактга урнатилиши касалликларнинг тарқалиш 
хавфи канча вакт давом этишига ва максимал яширин (инкубацион) 
даврига боглик бўлади. Тартибли чекловчи тадбирларнинг мезони 
касаллик турига ва ҳарбий қисмдаги узига хос хусусиятларга боглик. 
Бундай тадбирларни уч хил гурухга бўлиш мумкин: 
1. Кучайтирилган тиббий назорат. 
2. Обсервация. 
3. Карантин.