Mavzu: Turistlar xavfsizligini ta’minlashning xususiyatlari. Reja

TRANSPORT VA TURIZM OBYEKTLARIDA XAVFSIZLIKNI
TA’MINLASHGA OID QO‘SHIMCHA CHORA-TADBIRLAR
TO‘G‘RISIDA
O‘zbekiston Respublikasi Prezidentining “Transport va turizm obyektlarida
jamoat xavfsizligini ta’minlashning samarali tizimini joriy etishga oid qo‘shimcha
chora-tadbirlar to‘g‘risida” 2019-yil 6-martdagi PQ-4229-son qaroriga muvofiq,
shuningdek, zamonaviy axborot-kommunikatsiya vositalaridan foydalangan holda
transport va turizm obyektlari hamda ularga tutash hududlarda jamoat xavfsizligini
ta’minlashning markazlashgan muvofiqlashtirilgan boshqaruvini tashkil etish
maqsadida Vazirlar Mahkamasi qaror qiladi:
1. O‘zbekiston Respublikasi Ichki ishlar vazirligi Transportda xavfsizlikni
ta’minlash bosh boshqarmasi (keyingi o‘rinlarda Bosh boshqarma deb ataladi)
tuzilmasida Situatsion-tahliliy markaz (keyingi o‘rinlarda Markaz deb ataladi)
tashkil etilsin.
2. Quyidagilar Markaz faoliyatining asosiy yo‘nalishlari etib belgilansin:
transport va turizm obyektlari hamda ularga tutash hududlardagi holat va vaziyatni
monitoring qilish, kelib tushgan ma’lumotlar tahlili asosida vaziyatning kelgusi
rivojlanishini prognoz qilish;
transport va turizm obyektlari hamda ularga tutash hududlarda yuzaga
kelishi mumkin bo‘lgan xavf-xatarlar to‘g‘risidagi ma’lumotlarni yig‘ish,
tizimlashtirish, jamlash va tahlil qilish;
transport va turizm obyektlari hamda ularga tutash hududlarda huquqbu-

zarlik holatlari, tabiiy va texnogen tusdagi hodisalarning oldini olish va ularning

oqibatlarini bartaraf etish yuzasidan tezkor va samarali choralar ko‘rish bo‘yicha
taklif va tavsiyalar ishlab chiqish;
transport va turizm obyektlari hamda ularga tutash hududlarda yuzaga
kelishi mumkin bo‘lgan xavflar to‘g‘risida Bosh boshqarma Navbatchilik qismini
tezkor ma’lumotlar bilan ta’minlash.
3. O‘zbekiston Respublikasi Ichki ishlar vazirligi Transportda xavfsizlikni
ta’minlash bosh boshqarmasi tuzilmasida Situatsion-tahliliy markazni tashkil etish
bo‘yicha chora-tadbirlar rejasi ilovaga muvofiq tasdiqlansin.
4. O‘zbekiston Respublikasi Ichki ishlar vazirligi:
a) 1 oy muddatda O‘zbekiston Respublikasi Ichki ishlar vazirligi Transportda
xavfsizlikni ta’minlash bosh boshqarmasi Situatsion-tahliliy markazining nizomini
tasdiqlasin;
b) 2021-yil 1-yanvarga qadar:
transport obyektlarida xavfsizlikni ta’minlovchi profilaktika inspektorlari va
patrul-post xizmati xodimlarini mobil videoregistrator (bodikamera)lar bilan
ta’minlasin;
transport obyektlarida xavfsizlikni ta’minlovchi profilaktika inspektorlarini
qidiruvdagi shaxslar to‘g‘risidagi ma’lumotlar bilan dasturiy ta’minotga ega
planshetlar bilan ta’minlash choralarini ko‘rsin;
5. O‘zbekiston Respublikasi Axborot texnologiyalari va kommunikatsiyala-
rini rivojlantirish vazirligi Markazni transport va turizm obyektlari hamda ularga
tutash hududlarda jamoat xavfsizligini ta’minlashning markazlashgan boshqaruvini

amalga oshirish uchun zarur yuqori tezlikdagi aloqa transport kanallari bilan

belgilangan tartibda ta’minlasin.
6. Mazkur qarorning bajarilishini nazorat qilish O‘zbekiston Respublikasi
Bosh vazirining birinchi o‘rinbosari — transport vaziri A.J. Ramatov zimmasiga
yuklansin.