Media maydonda axborot tarqatish madaniyati

3: talaba munozarada ishtirok etdi, ammo nuqtai nazarini asoslashda ishonchga ega emas, materialida aniqlik va dalil kam.
2: talabaning munozaradagi ishtiroki sust, fikrini asoslay olmagan, materialida ham relevant asoslash uchramaydi.
1: talaba munozarada deyarli ishtirok etmadi, materiali yuzaki va zerikarli.

8. Internetdan axborot olish

Mashq maqsadi: talabalarni Internetdagi turli axborot manbalarini va ular taqdim etayotgan axborotning qimmatini baholashga o‘rgatish.
Talabalardan Internetdan O‘zbekistonda iqlim o‘zgarishi mavzusida axborot topishni so‘rang. Ular imkon qadar ko‘proq manba topib, ulardagi axborotni solishtirishga harakat qilishi zarur:

• 
  Milliy kutubxona veb-sayti;
  
• 
  Xalqaro ekologik Forum veb-sayti;
  
• 
  O‘zbekiston Ekologik harakati veb-sayti;
  
• 
  O‘zGidromet xizmati veb-sayti;
  
• 
  «Sog‘lom avdol uchun» jamg‘armasi veb-sayti;
  
• 
  “O‘zbekiston ekologik xabarnomasi (Ekologicheskiy vestnik Uzbekistana)” jurnalining tarmoq versiyasi;
  
• 
  YuNESKOning O‘zbekistondagi vakolatxonasi veb-sayti;
  
• 
  Hududdagi taniqli jurnalist-ekologning shaxsiy blogi yoki veb sayti;
  
• 
  Xolis tibbiy mazmundagi axborotni taqdim etishga intilayotgan tijorat kompaniyasi veb-sayti;
  
• 
  Munozara forumi.
  

Talabalar muammoli maqola yozishi, unda global iqlim o‘zgarishi sharoitida hududning asosiy muammolari, jumladan, ushbu hodisaning Markaziy Osiyo va O‘zbekistondagi o‘ziga xosligi aks etishi zarur. Materialda yuqorida qayd etilgan Internet resurslardagi axborotni tahliliy baholash zarur. Buning uchun talabalar quyidagi savollarga javob berishi kerak:

• 
  Global iqlim o‘zgarishi, uning namoyon bo‘lishi, omillari, shakllari, oldini olish va muhofaza qilish choralari xususidagi qanday axborot topishga muvaffaq bo‘ldingiz?
  
• 
  Qaysi axborotga ishonasiz?
  
• 
  Qanday axborot sizni taajjubga soldi?
  
• 
  Qayd etilgan veb-saytlar ushbu muammoni bayon etish va tahlil qilishga yordam bera oladimi?
  
• 
  Internetdan olingan axborot qanchalik ishonchli va to‘g‘ri? Talabalar alohida baholanadi.