Microsoft Word anvar obidjon meshpolvonning janglari lotin ziyouz com doc

www.ziyouz.com kutubxonasi 
57
shapalog‘i tarsillaganicha galaboshning taqir kallasiga urildi. Qonga tashna bo‘lib turgan galaboshi o‘z 
navbatida uning kekirdagini tishlab, jig‘ildonini uzib oldi. Ablahlardan bittasini tinchitdim deb 
sevinayotganida dumbasini bigiz jizillatib, shataloq otib yubordi. 
Kallakesarlarning ahvoli nihoyatda tanglashib, qiyomat avjga chiqqach, ustidagi tuynukdan nur 
tushib turgan eshikni mo‘ljallab, hammasi o‘zini tashqariga urdi. Bu paytda eshikning ikki chetiga 
biqinib olgan Meshpolvon bilan Oshiqbola ularning ketini nishonga aylantirib, biri o‘ng dumbaga, 
ikkinchisi chap dumbaga bigiz tiqib turaverdi, bir-biriga hayqirib dalda beraverdi: 
– Bigizingni charxlab sanchgin, 
Do‘st-dushmanni farqlab sanchgin, 
Jiq-jiq, 
Jiq-jiq! 
– Xanjar qilib yaltiratgin, 
Qonxo‘rlarni qaltiratgin, 
Jiq-jiq, 
Jiq-jiq! 
– Voydodlasin galaboshi, 
Yuvilgancha chala boshi, 
Jiq-jiq, 
Jiq-jiq! 
– O‘tganini muhrlab ur, 
Kerak joyga to‘g‘rilab ur, 
Jiq-jiq, 
Jiq-jiq! 
– Qochsin bari buvalashib, 
Lungisiga chuvalashib, 
Jiq-jiq, 
Jiq-jiq! 
– Qo‘ldan tushgan tog‘orasi 
Bo‘lsin qochish nog‘orasi, 
Jiq-jiq, 
Jiq-jiq! 
G‘alamis pistak kampir bu mahalda to‘polonga quloq solib, lippasidan holva olib, chala 
chaynaganini chala yutib, kallakesarlardan xushxabar kutib, tashqarida mamnun o‘tirardi. Hammom-
dan qochib chiqayotganlar shoshilishda uni birin-ketin tepalab o‘tib, arava ezgan baqadek majag‘ini 
chiqarishdi. 
* * * 
Vaqt yarim kechadan og‘gan pallada Hojixonajina qasrdan yangi gap topib keldi. 
Hammomdagi sharmandalarcha mag‘lubiyatni, ayniqsa, makkorlarning piri hisoblangan pistak 
kampirning ahmoqona tarzda halok bo‘lganini eshitgach, arboblarning aqli shoshib, Sepkilshohning 

---

Anvar Obidjon. Meshpolvonning janglari (qissa)