Microsoft Word anvar obidjon meshpolvonning janglari lotin ziyouz com doc

 
* * * 
Birozdan keyin yuzlab dasturxonlar yozilib, guruh-guruh dasturxonchilar ichkuyovdek tovushsiz 
odimlab, noz-ne’mat tarqata boshlashdi. Meshpolvon oldiga nimaiki qo‘yilsa, ho‘l-quruq demay, 
peshma-pesh uraverdi. Bitta dasturxonchi uning yonidan jilolmay, bo‘shagan idishni olish, yangisini 
uzatish bilan ovora bo‘lib qoldi. Chumakvoy bilan Rayhon qiziqning labi chimirilib, nima deyishni 
bilmay turishaverdi. 
Dadasi «eh-xi» deb yo‘talib qo‘ygandan keyingina Meshpolvon o‘ziga kelib, go‘yo shu 
mahalgacha odob bilan qo‘l qovushtirib o‘tirgan odamdek: «Kattaroqlaring boshlab bersanglar 
bo‘larmidi», deya atrofdagilarga sipolanib boqdi va ularni dadil harakat qilishga undab, bir so‘z dedi: 
So‘lakda til sug‘orib, 
Mo‘ylovlarni himarib, 
Qo‘l cho‘zing yeng shimarib, 
To‘yda bari tekindir. 
Osh yeyishni odatda 
Boshlar biron-bir katta, 
Qolganiga biz shatta, 
To‘yda bari tekindir. 

---

Anvar Obidjon. Meshpolvonning janglari (qissa) 
www.ziyouz.com kutubxonasi 
89
Esnar odamzod uyda, 
Gaplashar ko‘cha-ko‘yda, 
Ovqat yeb qoling to‘yda, 
To‘yda bari tekindir. 
Bildirishar bilmasang, 
Yetaklashar kelmasang, 
Yedirishar yemasang, 
To‘yda bari tekindir. 
Chalib karnay-bolabon, 
Kelar saf-saf olomon, 
Nima qo‘ysang, talamon, 
To‘yda bari tekindir. 
Jangda kerak manjaqa
20
, 
Ishda – o‘roq, panshaxa, 
Bunda – faqat ishtaha, 
To‘yda bari tekindir. 
Tun so‘ramas oy puli, 
Go‘r so‘ramas joy puli, 
To‘ychi olmas choy puli, 
To‘yda bari tekindir. 
Hammomda bor jom haqi, 
Ijarada – tom haqi, 
Yo‘qdir pishiq-xom haqi – 
To‘yda bari tekindir. 
Bozorda o‘z holing bor, 
Yo puling, yo moling bor, 
Bunda «ber» yo‘q, «oling» bor, 
To‘yda bari tekindir. 
Ovqat tursa muntazir, 
Yemaganlar – betasir, 
Bo‘lsangiz-chi sal abjir, 
To‘yda bari tekindir. 
Odamlar «oling-oling» bilan dasturxonga birin-sirin qo‘l urishdi. Ochlar xap-xaplab, o‘rtachalar 
shap-shaplab, to‘qlar orada gap-gaplab ovqatlanaverdi. Semizlar choyga, oriqlar moyga ko‘proq qo‘l 
cho‘zib, novchalar enkayib, pakanalar kekkayib kavshanardi. 
Meshpolvon dadasiga tez-tez ko‘z qirini tashlab, noilojlikdan boshini qashlab, boshvoqsiz 
Chumakvoyga havasda boqib, istihola bilan pista chaqib, shoshilmasdan chaynab o‘tirdi. To‘g‘ri, bir 
20
Қалъа дарвозасини бузувчи «манжаниқ»нинг шевада айтилиши. 

---

Anvar Obidjon. Meshpolvonning janglari (qissa)