Microsoft Word Махмудов Р. Ииида бошкарув психол. Дарслик doc

Коммуникатив фаолият. Юқорида таъкидланганидек, раҳбар-
нинг касбий фаолияти кенг коммуникативлиги (мулоқот ва муома-
лага бойлиги) билан ажралиб туради. Унинг коммуникатив фаолия-
ти мулоқот орқали, яъни амалий оператив хизмат вазифаларини ба-
жариш мақсадида атрофдагилар билан бевосита нутқий алоқа қи-
лиш орқали зарур маълумотларни олишда намоён бўлади. Мулоқот 
жараёнида таъсир этиш учун ходим шахсидаги етарлича юксак ақл 
ва билимдонлик, кучли ирода, шунингдек, унинг инсоний жозиба-
сини белгиловчи шахсий хислатлари уйғунлашиши керак. 
Раҳбарлар касбий фаолиятининг асосий психологик хусусият-
лари ва таркибий элементларини юзаки кўриб чиқиш ҳам унинг 
фаолияти қанчалик мураккаб ва серқирралигидан далолат беради. 
Касбий фаолият раҳбарларга кўплаб турли хил талаблар қўяди, 
улар орасида энг асосийларидан бири – шахсда касбий жиҳатдан 
муҳим хислатларнинг ривожланган бўлиши. 
Уларга биринчи навбатда қуйидагилар киради: 
– унинг шахсига хос хислатларнинг касбий-психологик йўнал-
ганлиги; 
– психологик барқарорлик; 
– ривожланган иродавий хислатлар: мураккаб вазиятларда ўзи-
ни тута билиш, жасурлик, мардлик, оқилона таваккалга мойиллик; 
– яхши ривожланган коммуникатив хислатлар; 
– қўл остидаги ходимларни тушуна олиш улар билан тезда ало-
қага кириша олиш, ишончли муносабатлар ўрната олиш ва уларни 
сақлай олиш; 

---

203 
– турли хил оператив хизмат вазифаларини бажаришда қўл ос-
тидаги ходимларга психологик таъсир кўрсата олиш қобилияти; 
– касбий жиҳатдан муҳим билиш хислатлари: кузатувчанлик ва 
диққатлилик, ривожланган хотира, ижодий тасаввур; 
– ривожланган касбий тафаккур, ақлий ишга мойиллик, фаро-
сат, ривожланган интуиция; 
– зийраклик, мураккаб вазиятдан чиқиб кета олиш. 
Ушбу хислатлар ходимга аввалдан хос эмас. Уларни шакллан-
тириш ва ривожлантириш – узоқ ва қийин жараён, аммо у ички иш-
лар идоралари раҳбарлари учун касбий жиҳатдан зарурдир.
Бу хислатларнинг раҳбар шахсида бўлмаслиги ёки етарли ри-
вожланмаганлиги унинг ўз функционал вазифаларини нормал ба-
жаришига халақит беради, раҳбарнинг ўз фаолиятида хатоларга йўл 
қўйишига, шахснинг ўз касбига мослаша олмаслигига ва касбий 
бузилишига олиб келади. Шу муносабат билан, раҳбарларда ушбу 
хислатларни шакллантиришга хизмат қиладиган касбий-психоло-
гик тайёргарлик катта аҳамият касб этади.