Microsoft Word navoiy farhod va shirin nazm lotin ziyouz com doc

www.ziyouz.com kutubxonasi 
253
O‘t ichra tashlamoqliq o‘ylakim barq 
Ki, bo‘lg‘ay shu’la to‘foni aro g‘arq. 
Bu yanglig‘ o‘tg‘a yondurmog‘lig‘ oni, 
Kul o‘lg‘och ko‘kka sovurmog‘lig‘ oni. 
Bo‘lub yo‘q dahr ichidin bori oning, 
Jahonda qolmamoq osori oning. 
Bo‘lub Farhod ul so‘zdin tarabnok, 
Kulub dedikim: «Yey shohi g‘azabnok! 
Tasavvur qilma kome tortadursen, 
Adudin intiqome tortadursen. 
Ki, ne hukm aylading maqsudum uldur, 
Ne kelsa ishq aro behbudum uldur. 
Murodim ishqida o‘lmaklik erdi, 
Bukun mundoq murodim Tengri berdi. 
Sanga har nechakim joyi g‘azabdur, 
Manga bu ishda yuz ayshu tarabdur 
Ki, bu hijronki har dam erdi o‘lmak, 
Ne o‘lmak, banddin bandimni bo‘lmak. 
Adam yo‘lig‘a garchi boshqarursen, 
Bir o‘lmak birla andin qutqarursen. 
Yana jonkim hayot ozori bo‘lmish, 
So‘ngaklar chorcho‘bi dori bo‘lmish. 
Biyiklik yetsa ul dori fanodin, 
Qutulg‘ay jon bu bir dori anodin. 
Yanakim hukm qilding tirboron, 
Sanga yog‘durmamish o‘q xayli hijron. 
Mangakim hajr aro yuz ibtilodur, 
Hamisha tirboroni balodur. 
Sening bu tirboroningki yetgay, 
Meni qutqarg‘ay andin, o‘zga netgayg‘ 
Bukim dedingki, kuydursunlar oni, 
Kul aylab ko‘kka sovursunlar oni. 

---

Alisher Navoiy. Farhod va Shirin 
www.ziyouz.com kutubxonasi 
254
Firoq o‘tig‘a kuymay sen hamono, 
Bu o‘t ichra kul o‘lmaysen hamono. 
Menikim hajr o‘tig‘a soldi gardun 
Ki, bor uchqunlari do‘zaxdin afzun. 
Bu do‘zaxdin xalos etkungdur oxir, 
Tarab xuldig‘a xos etkungdur oxir. 
Xaliloso ochib o‘tdin gulumni, 
Bukim debsen sovursunlar kulumni. 
Bu ham xushturki jismi xokrayvand, 
Tarakkub qaydig‘a bo‘lg‘uncha roband. 
Kul o‘lmog‘lig‘ bila bo‘lsa fanosi, 
Sovursa yor ishqining havosi. 
Bu kul mushkin bulutdek torsa roya, 
Solib dildor boshi uzra soya. 
Gahi yog‘dursa hajr ashkin yog‘indek, 
Gahi cheksa firoq ohin choqindek. 
Yog‘in ham ko‘yi tufrog‘ini tutsa, 
Choqin ham mulkining tog‘in yorutsa. 
Siyosatlarki aylar shohi jabbor, 
Mening sori durur har sirfakim bor. 
Vale bu turfadurkim notavone, 
g‘aribe, oshiqe, ozurda jone. 
Ichinda ishq o‘tidin ming oshub, 
Boshinda charxdin yuz ming lagadko‘b. 
Jafo birla sirehri tezraftor, 
Ani bir ishq ila aylab giriftor. 
Eshitib xalqdin ishqi so‘zini, 
Anga shohe raqib etgay o‘zini. 
Birovga ko‘rmay o‘zin oshiq etgay, 
Bu oshiqlig‘da otin sodiq etgay. 
Yig‘ib xaylu sirohi vahshatangez, 
Chekib gardunga yuz ming tig‘i xunrez. 

---

Alisher Navoiy. Farhod va Shirin