Microsoft Word sahih muslim1 ziyouz com doc

5-bob Uyqudan uyg‘onganda yuz va ikki qo‘lni yuvish haqida 
547/1. Ibn Abbos roziyallohu anhudan rivoyat qilinadi. Rasululloh sollallohu alayhi 
vasallam kechasi o‘rinlaridan turib, (katta yoki kichik) hojat chiqarib, so‘ngra yuzlari va 
ikki qo‘llarini yuvib, keyin uxlardilar. 
 
6-bob Junub bo‘lgan kishi uxlashi joizligi, agar ovkatlanishni, ichimlik ichishni, 
uxlashni yoki jimo’ qilishni iroda etsa, olatini yuvib tahorat qilish mahbub ekani 
haqida 
548/1. Oisha roziyallohu anhodan rivoyat qilinadi. Rasululloh sollallohu alayhi vasallam 
agar junublik holatlarida uxlashni xohlasalar, uyqudan oldin namozga tahorat qilingani 
kabi tahorat olardilar. 
549/2. Oisha roziyallohu anhodan rivoyat qilinadi. Agar Rasululloh sollallohu alayhi 
vasallam junub bo‘lib yeyish yoki ichishni xohlasalar, xuddi namozga tahorat qilingani 

---

Sahihi Muslim (birinchi kitob). Imom Muslim 
www.ziyouz.com kutubxonasi 
124
kabi tahorat qilardilar. 
Bu yerda yuqoridagi hadis takror kelgan. 
550/3. Ibn Umar roziyallohu anhudan rivoyat qilinadi. Umar roziyallohu anhu: «Ey 
Allohning rasuli! Bizlardan birortamiz junub bo‘lganida uxlayveradimi?» deganlarida, 
Rasululloh sollallohu alayhi vasallam: «Ha, bo‘laveradi, agar tahorat qilsa», dedilar. 
551/4. Ibn Umar roziyallohu anhudan rivoyat qilinadi. Umar roziyallohu anhu Rasululloh 
sollallohu alayhi vasallamdan fatvo so‘rab: «Bizlardan birortamiz agar junub bo‘lsa, 
uxlayveradimi?» deganlarida, Rasululloh sollallohu alayhi vasallam: «Ha, to g‘usl 
qilgunicha tahorat olib, so‘ngra uxlayversin», dedilar. 
552/5. Ibn Umar roziyallohu anhudan rivoyat qilinadi. Umar ibn Xattob Rasululloh 
sollallohu alayhi vasallamga kechasi sodir bo‘lib qoladigan janobatni zikr qilganlarida, 
Rasululloh sollallohu alayhi vasallam: «Tahorat qilib olatingni yuvib, so‘ngra 
uxlayvergin», dedilar. 
553/6. Abdulloh ibn Abu Qays roziyallohu anhudan rivoyat qilinadi. «Oisha roziyallohu 
anhodan Rasululloh sollallohu alayhi vasallamning vitrlari haqida so‘rasam, u onamiz bu 
haqda zikr qildilar. Men: «Rasululloh sollallohu alayhi vasallam janobat yetsa, nima 
qilardilar, uxlashdan oldin yuvinardilarmi yoki yuvinishdan oldin uxlardilarmi?» desam, 
Oisha roziyallohu anho: «Uning barchasini qilardilar, ko‘pincha yuvinib uxlardilar va 
ko‘pincha tahorat qilib uxlardilar», deganlarida, men: «Ishlarda kengchilik qilgan Allohga 
hamd bo‘lsin», dedim». 
Bu yerda yuqoridagi hadis takror kelgan. 
554/7. Abu Said Xudriy roziyallohu anhudan rivoyat qilinadi. Rasululloh sollallohu alayhi 
vasallam: «Agar sizlardan biringiz ahli huzuriga (jinsiy aloqa niyatida) kelsa, so‘ngra 
yana ikkinchi marta xohlasa, tahorat qilib olsin», dedilar. 
Abu Bakrning rivoyatlarida «ikki (jinsiy aloqa) o‘rtasida tahorat lozim, agar qayta 
bajarishni xohlasa» so‘zi ziyoda qilingan. 
555/8. Anas roziyallohu anhudan rivoyat qilinadi. Rasululloh sollallohu alayhi vasallam 
xotinlarini bitta g‘usl bilan aylanib chiqardilar.